Pas vrasjes makabre në Paskuqan, sot një tjetër burrë rreh kunatën ( 5 të arrestuar në Tiranë- Detajet)

Publikuar tek: aktualitet, më 11:25 14-01-2020 Pas vrasjes makabre në Paskuqan, sot një tjetër burrë rreh kunatën ( 5 të arrestuar në Tiranë- Detajet) Ilustruese

Pas vrasjes së kobshme të disa ditëve më parë në Paskuqan ku Erdet Çapoku masakroi për vdekje kunatën e tij Enkeleda Çapoku, një tjetër rast dhune raportohet nga Tirana.

Sipas policisë, nga specialistët për hetimin e krimit në Komisariatin e Policisë Nr. 3 u arrestua në flagrancë, për veprën penale “Dhuna në familje”, shtetasi G. M., 31 vjeç, banues në Tiranë, pasi ka ushtruar dhunë fizike ndaj kunatës së tij.

Ndërkaq, gjatë 24 orëve të fundit, kanë rënë në pranga edhe 4 persona të tjerë në Tiranë për vepra të ndryshme penale.

Më poshtë rastet specifike dhe detajet për secilin prej tyre.

-Nga specialistët për hetimin e krimit në Komisariatin e Policisë Nr. 2 u ndalua për veprën penale “Dhuna në familje”, shtetasi R. Ç., 32 vjeç, banues në Tiranë, pasi në banesën e tij ka kanosur me jetë babain e tij, si dhe i ka kërkuar para duke ushtruar dhunë psikologjike.

-Gjithashtu, nga specialistët për hetimin e krimit në Komisariatin e Policisë Nr. 2 u ndalua për veprën penale “Vjedhja”, shtetasi F. K., 49 vjeç, banues në Tiranë, pasi në bazë të procedimit penal të vitit 2019 ka rezultuar si autor i dyshuar i vjedhjes së një biçiklete dhe disa pijeve alkoolike në një supermarket.

- Nga specialistët për hetimin e krimit në Komisariatin e Policisë Nr. 4 u kap dhe u ndalua shtetasi në kërkim F. O., 20 vjeç, pasi Gjykata e Rrethit Gjyqësor Tiranë e ka dënuar me 9 muaj burg, për veprën penale “Vjedhja”.

- Nga specialistët për hetimin e krimit në Komisariatin e Policisë Nr. 5 u kap dhe u ndalua shtetasi në kërkim I. Sh., 54 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 1 vit burg, për veprën penale “Dhuna në familje”.

Materialet hetimore i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Sondazh

Article Logic
Execution time: 0.024250030517578
array(1) { ["section"]=> string(105) "pas-vrasjes-makabre-ne-paskuqan-sot-nje-tjeter-burre-rreh-kunaten-5-te-arrestuar-ne-tirane-detajet-192011" }