Pas zhurmës së madhe, Bushati shfaqet krah Ramës për fushatë, thumbon Palokën: Ta pikturojmë veriun me bojë

Publikuar tek: politike, më 14:31 19-02-2019 Pas zhurmës së madhe, Bushati shfaqet krah Ramës për fushatë, thumbon Palokën: Ta pikturojmë veriun me bojë

Pas zhurmës së madhe, të largimit nga detyra si kreu i diplomacisë, ish ministri Ditmir Bushati është shfaqur sot krah kryeministrit Edi Rama.

Rama dhe Bushati ndodhen në Pukë, ku po zhvillojnë takim fushate me banorët e qytetit verior. Gjatë fjalës së tij, Bushati nuk hezitoi të thumbojë opozitën dhe hedhjen e bojës nga Edi Paloka.

"Meqë kemi hyrë në këtë diskutimin e bojës dhe ngjyrave, puna e mirë edhe veriu i Shqipërisë mund të pikturohet me ngjyra dhe jo vetëm bardh e zi. Kemi parasysh resurset që ka zona, të kemi më shumë vizitorë, më shumë vende pune. E vetmja forcë politike që ka një platformë të qartë është PS, duke votuar PS, duke identifikuar të gjitha të metat e çdo shërbyesi publik ne kemi mundësi për të mbajt shënime dhe të nxjerrim konkluzione. Kundërshtarët duhet t'i lemë të bëjnë detyrën e tyre, pasi në disa raste puna e tyre krijon probleme. Kundërshtari kryesor nuk janë ata, por varfëria, papunëisa", tha Bushati.  

Ndërkaq, kujtojmë se që pas largimit nga detyra, ikja e të cilit u shoqërua me shumë tensione, Bushati shfaqet për herë të parë me kryeministrin.

Ndonëse shkarkimi i tij u argumentua nga kryeministri se ishte si pasojë e reformimit në qeveri, në media u përfol se Bushati ishte kundër shkëmbimit të territoreve të Kosovës, ide kjo e Hashim Thaçit, që ka marrë edhe mbështetjen e Ramës.

Përpos kësaj, që nga momenti kur Bushati nuk pranoi të hipë në makinë e Ramës ditën që dorëzoi detyrën në ministrinë e Jashtme, ata sot janë bashkë në Pukë dhe duket se raportet e tyre janë të mira.  

Sondazh

Më shumë në këtë kategori: « I bllokuan rrugën Ramës në Lezhë, shoqërohen në polici 11 persona
Protesta e dhunshme e 16 shkurtit, Rama: Akte vandalizmi, sa herë ka zgjedhje opozita del nga binarët »
Article Logic
Execution time: 0.010926008224487
array(1) { ["section"]=> string(111) "pas-zhurmes-se-madhe-bushati-shfaqet-krah-rames-per-fushate-thumbon-paloken-ta-pikturojme-veriun-me-boje-153398" }