Patozi: Listat e hapura, korrektimi kombëtar dhe depolitizmi i komisioneve, trinomi që jep zgjidhje reale

Publikuar tek: politike, më 23:31 06-07-2020 Patozi: Listat e hapura, korrektimi kombëtar dhe depolitizmi i komisioneve, trinomi që jep zgjidhje reale FotoArkive: Astrit Patozi

Koordinatori i Bindjes Demokratike Astrit Patozi thotë se listat e hapura, korrektimi kombëtar dhe depolitizmi i komisioneve janë trinomi kryesor që zgjidhje reale për një reformë zgjedhore të qënësishme.

“Vetëm nëse arrihet kjo, ne mund të shpresojmë se i kemi lënë pas krahëve zgjedhjet problematike, gjithmonë të kontestuara dhe i kemi hapur rrugën një etape të re të përfaqësimit politik dhe të vendimmarrjes në Shqipëri”, shkruan ndër të tjera Patozi.

Shkrimi i plotë:

DISHEPUJT E FUNDIT TË STALINIT JANË NË SHQIPËRI

"Njerëzit që votojnë nuk kanë asnjë rëndësi, ata që numurojnë vendosin gjithçka". Kjo është një shprehje e vjetër që i mëvishet ta ketë thënë Stalini, e cila shpjegon qartë konceptin për zgjedhjet të njërit prej diktatorëve më gjakatarë të historisë së njerëzimit.

Edhe pse kohët, rrethanat dhe personazhet mund të mos kenë asnjë ngjashmëri, pak a shumë të njëjtën gjë duket se mendojnë sot ata, që nënshkruan dakordësimin e Këshillit Politik për ruajtjen e statuskuosë në zgjedhjet tona.

Sepse thelbi i marrëveshjes famëkeqe Rama-Basha ishte që "çunat problematikë" të tri partive recidiviste në vjedhje votash t'i mbanin sërish duart e tyre të ndotura brenda kutive të votimit. Gjithçka tjetër, që diskutohet për këtë temë, ose nuk ka të njëjtën vlerë, ose është teknikalitet pa shumë rëndësi.

Ndaj edhe është e domosdoshme që ajo të rrëzohet, qoftë edhe vetëm për ta çliruar Shqipërinë nga ai mentalitet i ndyrë stalinist për zgjedhjet, më shumë se 100 vjet pas Revolucionit të Tetorit, ku dy apo tre veta duan të numurojnë votat e gjithë të tjerëve.

Listat e hapura, korrektimi kombëtar dhe depolitizmi i komisioneve është trinomi kryesor, që jep zgjidhje reale dhe afatgjatë për një reformë zgjedhore të qënësishme.

Vetëm nëse arrihet kjo, ne mund të shpresojmë se i kemi lënë pas krahëve zgjedhjet problematike, gjithmonë të kontestuara dhe i kemi hapur rrugën një etape të re të përfaqësimit politik dhe të vendimmarrjes në Shqipëri.

Sondazh

Article Logic
Execution time: 0.0098710060119629
array(1) { ["section"]=> string(109) "patozi-listat-e-hapura-korrektimi-kombetar-dhe-depolitizmi-i-komisioneve-trinomi-qe-jep-zgjidhje-reale-213063" }