PD-ja ‘shënjestron’ kryeministrin RAMA: 90-100 milionë dollarë më pak nga tatimet dhe doganat, ja se çfarë do të bëjë ai (DEKLARATA)

Publikuar tek: politike, më 10:30 18-10-2019 PD-ja ‘shënjestron’ kryeministrin RAMA: 90-100 milionë dollarë më pak nga tatimet dhe doganat, ja se çfarë do të bëjë ai (DEKLARATA) Drejtori i kabinetit të PD-së Dorian Teliti

Partia Demokratike akuzon kryeministrin Rama se ka dështuar me grumbullimin e të ardhurave nga tatimet dhe doganat, ku llogaritet t’i mungojnë 90-100 milionë $.

Nëpërmjet drejtorit të kabinetit të selisë blu Dorian Teliti, PD-ja deklaron se ky dështim i qeverisë ka ardhur si pasojë e bashkëpunimit të kryeministrit me oligarkët e këtij vendi dhe për të mbuluar këtë defiçit financiar do të shkurtojë nga fondi i investimeve publike 30 milionë $.

Sipas Telitit, Rama është në dijeni të këtij bilanci, teksa disponon dokumentin përkatës.
DEKLARATË E PARTISË DEMOKRATIKE, DREJTORI I KABINETIT DORIAN TELITI

Qeveria do të miratojë së shpejti në parlament aktin normativ që vulos dështimin e Edi Ramës me ekonominë edhe këtë vit. Me gjithë përpjekjet tinzare për të fshehur dështimin, të gjithë treguesit flasin për përkeqësimin e mëtejshëm të ekonomisë së vendit, për më pak punë, për më pak para në xhepat e shqiptarëve.

Akti normativ qeveritar:

  1. Fsheh të vërtetën mbi dështimin e mbledhjes së të ardhurave.
  2. Nuk parashikon shpërblime për pensionistët dhe të pamundurit.
  3. Ul ndjeshëm investimet në projekte zhvillimore dhe infrastrukturë.
  4. Braktis qëllimisht ish-të përndjekurit.

Ecuria negative e mbledhjes së të ardhurave, ku vetëm nga tatimet dhe doganat në 8 muajt e parë, mungonin mbi 60 milion dollarë, do të vazhdojë të thellohet akoma edhe më shumë gjatë muajve të fundit të vitit. Edi Rama ka në tryezën e tij të punës një dokument konfidencial, ku parashikohet që, me ritmet aktuale, të ardhurat nga tatimet e doganat do të jenë 90 - 100 milionë dollarë më pak.

Akti normativ i qeverisë i ndan shqiptarët në qytetarë të dorës së parë dhe qytetarë të dorës së dytë.

Qeveria e Edi Ramës paguan me miliona oligarkët dhe klientët e vet, por nuk parashikon asnjë qindarkë për shpërblimin e fund vitit të pensionistëve dhe të familjeve  në nevojë.

Kjo qeveri që erdhi në pushtet me mashtrimin e dëmshpërblimit të plotë të ish të përndjekurve politikë, i ka braktisur ata. Me vetëm 12 milionë dollarë për dëmshpërblimin financiar, kjo qeveri e ka zgjatur mbi dy dekada afatin për të shlyer plotësisht faturën financiare.

Qeveria e Edi Ramës paguan qindra milionë për PPP, por shkurton investimet publike që gjenerojnë mirëqenie. Me këtë akt normativ, Qeveria ka vendosur të shkurtojë nga buxheti me 30 milionë dollarë nga shpenzimet për investime publike, duke ulur ndër të tjera, investimet në sigurinë ushqimore, zhvillimin rural, ujësjellës kanalizime, arsim profesional dhe universitar, duke shkelur për të disatën herë premtimet ndaj studenteve.


Me moton të vjelim sa më shumë nga djersa e shqiptarëve e t’i bëjmë paratë e tyre  “rrush e kumbulla” për t’u pasuruar me një grusht oligarkësh, kjo qeveri dëshmon çdo ditë kapitullimin e saj në politikat ekonomike dhe vulos rrënimin e shqiptarëve.

Partia Demokratike është e vetmja alternativë e besueshme qeverisëse! Me programin tonë që ka në bazë vullnetin e çeliktë për të siguruar konkurrencë të ndershme në treg dhe për të luftuar korrupsionin, ne do ta nxjerrim vendin nga kriza e besimit dhe e shpresës, do të rimëkëmbim ekonominë dhe do të punojmë për mirëqenien e çdo familjeje shqiptare.

Personazhi i vitit 2019

Sondazh

Article Logic
Execution time: 0.029125213623047
array(1) { ["section"]=> string(133) "pd-ja-shenjestron-kryeministrin-rama-90-100-milione-dollare-me-pak-nga-tatimet-dhe-doganat-ja-se-cfare-do-te-beje-ai-deklarata-182556" }