Përballja me faktet, të pavërtetat që Basha tha te BBC: Nuk është plagosur asnjë në protesta

Publikuar tek: politike, më 20:27 19-05-2019 Përballja me faktet, të pavërtetat që Basha tha te BBC: Nuk është plagosur asnjë në protesta

Kryetari i Partisë Demokratike, Lulzim Basha, në një intervistë për agjencinë mediatike BBC ka thënë disa të pavërteta lidhur me zhvillimet politike në Shqipëri, protestat dhe negociatat.

Basha ka deklaruar para gazetarit britanik se asnjë polic nuk është plagosur gjatë protestave opozitare.

“Falë Zotit, as edhe një oficer i vetëm policie nuk lëndua”, mesa duket Basha i referohet protestës ku u hodhën bomba molotov, pasi plagosja e policëve në protestat e opozitës nisën me efektiven Ina Nuka. E megjithatë edhe në protestën me molotov pati jo pak, por 15 policë të plagosur.

Me tej Basha distancohet nga dhuna në protestë duke thënë se PD ka bërë thirrje për protesta paqësore dhe ruajtjen e qetësisë. Por një gjë të tillë Basha nuk e bëri teksa mbante fjalim para godinës së Kryeministrisë, e në të njëjtën kohë kokteilet e molotovit shpërthenin në derë të institucionit. Basha nuk tha asnjë fjalë, e nuk bëri asnjë thirrje për ruajtje të qetësisë.

Raportin e Komisionit Europian, rekomandon hapjen e negociatave të Shqipërisë me BE, Basha e quan të “karamelizuar”, pra që vendin tonë e kanë mbajtur me hatër, apo i kanë dhënë ato që s’i meriton. Komisioni Europian është institucioni që ka një rreptësi maksimale kur vjen puna tek ‘korrigjimi’ i provimeve të shteteve në përmbushjen e kushteve. Dhe KE, që vitin që shkoi është shprehur prerazi që Shqipëria dhe Maqedonia e veriut i kanë plotësuar të gjitha kushtet për çeljen e negociatave.

Si përfundim Basha shprehet se negociatat do të shtyhen, pasi Shqipëria s’ka plotësuar kushtet. Kjo mbetet për t’u parë, edhe pse sipas KE, kushtet janë plotësuar. Vendimi tashmë është politik, dhe i takon qeverive të shteteve europiane, disa prej të cilave skeptike e disa të tjera të përfshira nga fryma populiste.

Sondazh

Article Logic
Execution time: 0.025534868240356
array(1) { ["section"]=> string(97) "perballja-me-faktet-te-pavertetat-qe-basha-tha-te-bbc-nuk-eshte-plagosur-asnje-ne-protesta-164902" }