Përdorën hotelet e tyre në Kavajë për prostitucion, arrestohen 2 biznesmenët, në pranga edhe 5 femra (VIDEO)

Publikuar tek: aktualitet, më 08:36 03-06-2020 Përdorën hotelet e tyre në Kavajë për prostitucion, arrestohen 2 biznesmenët, në pranga edhe 5 femra (VIDEO)

Policia e Kavajës ka arrestuar dy pronarë hotelesh për shfrytëzim për prostitucion në ambjentet e bizneseve të tyre.

Sakaq, kanë rënë në pranga edhe 5 shtetase me iniciale M. M., D. M., G. D., Q. R. dhe V. M.,që ushtronin prostitucionin te zona e njohur si ‘Bishti i Zhurit’ në Kavajë.

Gjithashtu mësohet se është arrestuar shtetasi me iniciela R. L., banues në Divjakë, pasi është kapur në flagrancë në ambientet e hotelit, duke kryer marrëdhenie seksuale kundrejt pagesës, me shtetasen Q. R.

Ndërkohë, në cilësinë e provave materiale janë sekuestruar 370.000 lekë të përfituara nga shfrytëzimi i këtyre shtetaseve për prostitucion, 7 telefona celular dhe një autoveturë.

Njoftimi i policisë:

Finalizohet operacioni policor i koduar “Zhuri".

Operacioni pas 7 muajsh hetimi të zhvilluara nga Komisariati i Policisë Kavajë, nën drejtimin e Prokurorisë së Rrethit Gjyqësor Kavajë.

Goditen dy raste të shfrytëzimit për prostitucion dhe të mbajtjes së lokaleve për prostitucion.

Vihen në pranga dy pronarë hotelesh, për shfrytëzim për prostitucion dhe për mbajtje të hoteleve për shfrytëzim prostitucioni.

Në pranga edhe 5 shtetase që ushtronin prostitucionin.

Gjithashtu arrestohet edhe një shtetas tjetër në flagrancë.

Specialistët për Hetimin e Krimeve në Komsiariatin e Policisë Kavajë, pasi kishin siguruar të dhëna në rrugë operative se disa shtetase shfrytëzoheshin për prostitucion nga dy pronarë hotelesh, kanë regjistruar procedimin penal në Prokurori dhe nën drejtimin e saj, pas 7 muajsh hetime siguruan prova për dokumentimin e këtij aktiviteti kriminal.

Në këtë kuadër, nga Seksioni për Krimet në Komisariatin e Policisë Kavajë, nën drejtimin e Prokurorisë së Rrethit Gjyqësor Kavajë dhe në bashkëpunim me Sektorin e Forcave Operacionale të DVP Tiranë, u finalizua me sukses operacioni policor i koduar "Zhuri", në kuadër të të cilit u ekzekutuan masat e sigurisë të lëshuara nga Gjykata, pas provave të siguruara gjatë hetimit dhe konkretisht ndaj shtetasve:

B. Gj., 61 vjeç, banues në Rrogozhinë, me masë sigurie “Arrest në burg”, për veprat penale "Shfrytëzimi i prostitucionit" dhe "Mbajtja e lokaleve për prostitucion". Ky shtetas është pronar i një hoteli në zonën e quajtur”Bishti i Zhurit”, në Rrogozhinë;

F. H., 58 vjeç, banues në Rrogozhinë, me masë sigurie “Arrest në burg”, për veprat penale "Shfrytëzimi i prostitucionit" dhe "Mbajtja e lokaleve për prostitucion". Ky shtetas është pronar i një hoteli në zonën e quajtur “Bishti i Zhurit”, në Rrogozhinë

M. M., D. M., G. D., Q. R. dhe V. M., me masë sigurie “Arrest në burg”, për veprën penale “Prostitucioni”

Gjithashtu u arrestua në flagrancë shtetasi R. L., banues në Divjakë, pasi është kapur në flagrancë në ambientet e hotelit në pronësi të shtetasit B. Gj., duke kryer marrëdhenie seksuale kundrejt pagesës, me shtetasen Q. R

Në cilësinë e provave materiale janë sekuestruar 370.000 lekë  të përfituara nga shfrytëzimi i këtyre shtetaseve për prostitucion, 7 telefona celular dhe një autoveturë.

Materialet në ngarkim të këtyre shtetasve i kaluan Prokurorisë pranë Gjykatës së Shkallës së Parë Kavajë, për veprat penale “Shfrytëzimi i prostitucionit”, “Mbajtja e lokaleve për prostitucion“ dhe “Prostitucioni“.

Sondazh

Article Logic
Execution time: 0.0097150802612305
array(1) { ["section"]=> string(111) "perdoren-hotelet-e-tyre-ne-kavaje-per-prostitucion-arrestohen-2-biznesmenet-ne-pranga-edhe-5-femra-video-208868" }