Ka përfunduar takimi i përfaqësuesve të banorëve të Zharrëzës me zv/kryeministrin Niko Peleshi. Protestuesit njoftuan se Peleshi u kishte premtuar shumë deri në dëmshpërblimin e dëmeve në banesa dhe ndaljen e veprimtarisë së kompanisë Bankers, që shkakton tërmete në zonë.
Megjithatë, banorët kanë theksuar se do të qëndrojnë përpara Ministrisë së Energjitikës derisa të dalë vendimi i Këshillit të Ministrave për dëmshpërblimin e tyre.
Peleshi ka njoftuar banorët se do të caktohen ekspertë të huaj për të verifikuar nëse tërmetet shkaktohen nga Bankersi apo nga ndonjë aktivitet tjetër dhe më pas do merret vendimi për dëmshpërblimin e tyre nga qeveria ose kompania.
