Piktori i njohur shtrohet tek Covid-2, vajza e tij ka një thirrje për Ramën dhe Manastirliun

Publikuar tek: aktualitet, më 15:25 17-01-2021 Piktori i njohur shtrohet tek Covid-2, vajza e tij ka një thirrje për Ramën dhe Manastirliun Mustafa Arapi

Vajza e piktorit të njohur shqiptar, Mustafa Arapi ka njoftuar se babai i saj është shtruar ditën e djeshme në spitalin "Shefqet Ndroqi", pasi u infektua me koronavirus.

Përmes një postimi në rrjetet sociale. Ajo i ka bërë thirrje kryeministrit Edi Rama dhe ministres së Shëndetësisë që institucionet ti japin vëmendje maksimale artistit, pasi është edhe personalitet i kulturës shqiptare.

Vajza e piktorit, Dorina Arapi ka falënderuar shumë mjekët dhe infermierët në spital që po i dedikohen pacientëve në këto momente të vështira.

Postimi i plotë:

Dje babi im, Mustafa Arapi, u shtrua në spitalin "Shefqet Ndroqi". Për shkak të kovidit, i është prekur një pjesë e mushkërive.

Mustafa Arapi, babai im, është baba e bashkëshort i shkëlqyer, mik, njeri i nderuar, piktor i nivelit botëror, restaurator i shkëlqyer me një kontribut prej 40 vjetësh në fushën e restaurimit. Nga puna e tij restauruese, sot brezat e rinj dhe kultura shqiptare trashëgon dhe admiron Onufrin, Qipriotin, Çetirët, Zografët, banesa tradicionale, kisha, afreske, ikona e studimeve e plot të tjera. Pedagog, artist, studiues, pjesëmarrës i lëvizjeve të dhjetorit '90, Mustafa Arapi meriton vëmendjen maksimale të shtetit, pavarësisht të gjitha shërbimeve që mjekët e infermierët po i ofrojnë. I falënderoj shumë mjekët,  infermierët e gjithëkënd në spital që po i dedikohen pacientëve në këto momente të vështira!

Por i drejtohem Kryeministrit z. Edi Rama, Ministres së shëndetësisë znj. Ogerta Manastirliu, që shteti dhe institucionet të japin vëmendjen e duhur për babain tim dhe për këtë personalitet të kulturës shqiptare.

Unë e dua babain tim me jetën time, por ai është dhe një Vlerë për shtetin e kulturën shqiptare.

Ju faleminderit nga zemra gjithëkujt për ndihmën e vëmendjen!

Shpërndajeni këtë mesazh,... kush dëshiron.

Sondazh

Më shumë në këtë kategori: « Infermieri vaksinoi në mënyrë të paligjshme gruan e tij, spitali nis një proces gjyqësor
Në 553 vjetorin e vdekjes së Heroit Kombëtar, përdhoset busti i Skënderbeut në Korçë »
Article Logic
Execution time: 0.013251781463623
array(1) { ["section"]=> string(98) "piktori-i-njohur-shtrohet-tek-covid-2-vajza-e-tij-ka-nje-thirrje-per-ramen-dhe-manastirliun-235339" }