‘Po bëhen si arixhinjtë me çadra’, Murrizi kërkon 1 miliard lekë fond për deputetët e rinj: Të blejnë shtëpi

Publikuar tek: politike, më 11:01 27-09-2019 ‘Po bëhen si arixhinjtë me çadra’, Murrizi kërkon 1 miliard lekë fond për deputetët e rinj: Të blejnë shtëpi

Deputeti Myslim Murrizi ka kërkuar në mbledhjen e Konferencës së Kryetarëve që deputetëve të rinj, t’u jepet shtëpi.

Murrizi kërkoi që për deputetët, një pjesë e të cilëve janë vetëdeklaruar të pastrehë, të miratohet një fond rreth 1 miliard lekë që të marrin kredi me interes zero.

Demokrati e bëri këtë kërkesë me argumentin se deputetët e rinj duhet të kenë dinjitet, por propozimi i tij kaloi në heshtje nga anëtarët e mazhorancës.

Ajo që vihet re është gjuha ofenduese e Murrizit për komunitetin rom, teksa thotë se deputetët e rinj po bëhen si arixhinjtë me çadra.

Kërkesa e Murrizit në Konferencën e Kryetarëve:

Zoti Kryetar, dua të flas jashtë rendit të ditës, nuk e di nëse është në tagrin e Konferencës së Kryetarëve, a të bëjmë ndonjë vendim, a të biem dakord të gjithë parimisht, për 15 apo 20 deputetët e rinj, të cilët kanë nevojë të mbështeten. Më duket se deri në vitin 2009 ka qenë ligji që deputetët dhe funksionarët e lartë publik përfitonin një kredi me interes të ulët.

A ekziston mundësia që të bëhet një vendim Kuvendi apo qeverie, nëse keni ndrojtje nga populizmi thoni që e ka propozuar Myslim Murrizi, që këta deputetë të marrin kredi? Ata nuk janë aksionerë as në PPP-të dhe as në tendera, por e kanë të nevojshme të mbështeten me një kredi, siç kam marrë unë, por edhe ju në vitin 1997, 1992 dhe në vitet e tjera me radhë.

Nuk besoj se është hipokrizi për të ndihmuar 15 apo 20 deputetë, prandaj duhet ta bëjmë një vendim. Pra, bëhet fjalë për 1 miliard lekë të vjetër, që janë më pak se 1 milion euro. T’ia heqim Unazës 100 metra dhe t’ua japim këtyre deputetëve që të kenë edhe ata një farë dinjiteti, sepse po bëhen si arixhinjtë me çadra.

Unë besoj se gjithsecili deputet që është futur tani ka një farë rëndësie për mbarëvajtjen e këtij vendi, edhe për ekzistencën në këmbë të këtij parlamenti, ishalla po na hapen negociatat. Pra, nuk na kushton asgjë t’i mbështesim për të blerë një shtëpi.

Sondazh

Article Logic
Execution time: 0.036927938461304
array(1) { ["section"]=> string(111) "po-behen-si-arixhinjte-me-cadra-murrizi-kerkon-1-miliard-leke-fond-per-deputetet-e-rinj-te-blejne-shtepi-179963" }