'Po diskutojmë për një kontratë shtesë', Shoqata e Transportit 'presion' Bashkisë: Nëse nuk respektohet kjo kontratë...

Publikuar tek: aktualitet, më 17:14 04-07-2020 'Po diskutojmë për një kontratë shtesë', Shoqata e Transportit 'presion' Bashkisë: Nëse nuk respektohet kjo kontratë... Ilustruese

Pas njoftimit për hapjen e transportit publik, Shoqatat kanë bërë me dije se janë në diskutime me Bashkinë për miratimin e një kontrate me kushte shtesë.

Ata kanë pranuar të rifillojnë punë të hënën, por ende janë në një "luftë të ftohtë" me Bashkinë Tiranë. Shoqata e Transportit ka paralajmëruar se në rast se nuk do të zbatohen këto kushte shtesë, do të rindërpresin punën.

Në reagim, nuk specifikohet se cilat janë kushtet shtesë, megjithatë theksojnë se ato janë të domosdoshme për shmangur një falimentim të mundshëm të tyre.

Reagimi i plotë

Pas zgjidhjes së pjesshme të kërkesave tona, tashmë të bëra publike, në marrëveshje me Kryetarin e Bashkisë, Veliaj, Ju bëjmë me dije vendimin e të gjithë operatorëve të transportit publik në qytetin e Tiranës për rifillimin e shërbimit të transportit qytetës në Tiranë në kushte të reja në përputhje me situatën epidemike.

Bashkia Tiranë, sipas kërkesës tone, ka rishikuar dhe ka bërë ndryshimin e protokollit të sigurisë, ku ndër të tjera, sipas legjislacionit në fuqi, ka lehtësuar përgjegjësinë ligjore të operatorëve duke bërë të mundur operimin në linjë.

Bazuar nga sa më lart, ne, operatoret e transportit publik në Tiranë, kemi marrë vendimin për të rifilluar shërbimin në linja me kapacitete të përshtatura me kushtet e reja, në respekt të kërkesës së Kryetarit të Bashkisë dhe të qytetarëve të Tiranës, me qëllim mundësimin e ofrimit të këtij shërbimi në qytet.

Ndërkohë me Bashkinë Tiranë do të vijojnë diskutimi i kushteve për hartimin e një kontrate shtesë me kushte dhe afate të përcatuara për zbatim nga secila prej palëve (bashkia dhe operatorët). Moszabtimi i kushteve të kontratës shtesë do të përbëjë shkak në ditët në vijim për rindërprejen e këtij shërbimi.

Mbetemi shpresë plot se do të plotësohen edhe kërkesat tona ekonomike, të dakortësuara në marrëveshjen me bashkinë, pasi në rast të kundërt, situata e krijuar do të na çojë drejt falimentit të sigurt.  I bëjmë thirrje të gjithë përdoruesve të transportit publik, të respektojnë protokollin e sigurisë antiCovid-19, për shëndetin e tyre dhe të stafit tonë", njofton Shoqata e Transportit.

Sondazh

Article Logic
Execution time: 0.0096230506896973
array(1) { ["section"]=> string(117) "po-diskutojme-per-nje-kontrate-shtese-shoqata-e-transportit-presion-bashkise-nese-nuk-respektohet-kjo-kontrate-212822" }