Polici i përfshirë në trafik kokaine, reagon Ministria e Brendshme: Procedim penal dhe pezullim nga detyra

Publikuar tek: politike, më 22:09 15-01-2018 Polici i përfshirë në trafik kokaine, reagon Ministria e Brendshme: Procedim penal dhe pezullim nga detyra

Menjëherë pas transmetimit të pamjeve në emisionin Fiks Fare, ku oficeri i policisë Julian Balliu ishte përgjuar teksa bënte pazare për trafik dhe shitje të kokainës, ka ardhur edhe reagimi i Ministrisë së Brendshme.

Përmes një njoftimi për shtyp, MB bën me dije se Balliu është pezulluar nga detyra dhe ndaj tij nisi procedimi penal.

Reagim i Ministrisë së Brendshme:

Pas transmetimit të pamjeve filmike në emisionin investigativ ‘Fiks Fare’ ne Top Channel, ku dyshohet implikimi i punonjësit te Policisë së Shtetit Julian Balliu ne nje tentative per trafik e shitje narkotikesh, Shërbimi për Çështjet e Brendshme dhe Ankesat nisi procedimin penal ndaj tij.

Gjithashtu, me urdher te Drejtorit te Pergjithshem te Policise se Shtetit, Drejtoria e Standardeve Profesionale ka nisur një procedim disiplinor për efektivin Balliu, me detyre oficer i Policise se Qarkullimit Rrugor, duke marrë masën e pezullimit nga detyra, deri në përfundim të hetimit të ngjarjes.

Strukturat e SHÇBA jane duke kryer të gjitha veprimet procedurale dhe hetimore për të zbardhur rrethanat dhe personat e mundshëm të implikuar në këtë ngjarje të rëndë për punën dhe imazhin e Policisë së Shtetit.

Nga ana tjetër, Ministria e Brendshme dhe Policia e Shtetit falënderon median dhe qytetarët për bashkëpunimin dhe i fton ata të denoncojnë çdo rast të mundshëm të implikimit të punonjësve të Policisë në veprimtari të tilla kriminale apo korruptive.

Denoncimi mund të bëhet falas nëpërmjet numrave 08009090 dhe 112 e 129, dhe ne garantojmë si ruajtjen e konfidencialitetit, ashtu edhe reagim të menjëhershëm dhe të paanshëm për rastet e denoncuara.

Sondazh

Article Logic
Execution time: 0.011857986450195
array(1) { ["section"]=> string(111) "polici-i-perfshire-ne-trafik-kokaine-reagon-ministria-e-brendshme-procedim-penal-dhe-pezullim-nga-detyra-106678" }