Policia Kufitare kap çantat me 75 kg hashash, transportoheshin në krahë nga tre persona

Publikuar tek: aktualitet, më 18:08 05-03-2017 Policia Kufitare kap çantat me 75 kg hashash, transportoheshin në krahë nga tre persona Foto ilustruese

Policia Kufitare Sarandë, rreth orës 16:30 në vendin e quajtur "Lerat e Vlashit", kanë konstatuar tre persona që po transportonin disa çanta shpine ku dyshohej se kishin lëndë narkotike, ku edhe kanë gjetur 4 çanta të mbushura me lëndë narkotike, gjithsej 75 kg kanabis.

Shërbimet e Policisë Kufitare janë vënë në ndjekje të këtyre personave të cilët porsa kanë parë se po ndiqeshin nga Policia, kanë braktisur çantat dhe janë larguar me shpejtësi në drejtim të pyllit.

Policia Kufitare sekuestroi në cilësinë e provës materiale 4(katër) çanta shpine të zeza, brenda të cilave gjendej lëndë narkotike e llojit canabis sativa, e paketuar në qese transparente.

Çantat me lëndën narkotike u bllokuan dhe më pas i kaluan shërbimeve të Komisariatit të Policisë Sarandë për ndjekje të mëtejshme. Policia Kufitare në bashkëpunim me Komisariatin e Policisë Sarandë po vijojnë krehjen e zonës për të bërë të mundur kapjen e tre personave që transportonin lëndën narkotike.

Bëhet e ditur se vazhdon puna për identifikimin dhe gjetjen e personave të implikuar në këtë trafik të lëndëve narkotike.

Sondazh

Article Logic
Execution time: 0.01701021194458
array(1) { ["section"]=> string(92) "policia-kufitare-kap-cantat-me-75-kg-hashash-transportoheshin-ne-krahe-nga-tre-persona-70853" }