Policia ‘lumë’ ndëshkimesh në 24 orë: Gjobiten 111 këmbësorë dhe 9 biznese, arrestohet shoferi i dehur, u hiqet patenta 20 të tjerëve (VIDEO)

Publikuar tek: aktualitet, më 12:08 01-04-2020 Policia ‘lumë’ ndëshkimesh në 24 orë: Gjobiten 111 këmbësorë dhe 9 biznese, arrestohet shoferi i dehur, u hiqet patenta 20 të tjerëve (VIDEO) Foto nga video e policise

Në kuadër të kontrolleve për zbatimin e masave kundrejt Covid-19 gjatë 24 orëve të fundit në të gjithë vendin 20 shoferëve u është hequr leja e drejtimit dhe u është bllokuar makina.

Ndërkohë, në Elbasan është arrestuar në flagrancë shtetasi E. D 33 vjeç pasi është konstatuar duke drejtuar makinën në gjendje të dehur, në masën 0.70 mg/l.

Sakaq në të gjithë vendin, gjatë 24 orëve të fundit, janë ndëshkuar me gjobë 10.000 lekë, 111 shtetas, të cilët u konstatuan nga shërbimet e Policisë duke lëvizur në këmbë apo me biçikleta, në orët e pasdites, pa ndonjë arsye apo emergjencë.

Në të gjithë vendin janë konstatuar 9 njësi tregtie që nuk kanë zbatuar orarin e mbylljes dhe ndaj administratorëve është marrë masa administrative.

Njoftimi i policisë:

Vijojnë kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19.

Gjatë 24 orëve të fundit, në të gjithë vendin janë evidentuar 20 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3 datë 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19".

Ndërkohë, në Elbasan është arrestuar në flagrancë shtetasi E. D., 33 vjeç, banues në Elbasan, pasi është konstatuar duke drejtuar mjetin në gjendje të dehur, në masën 0.70 mg/l.

Në të gjithë vendin, gjatë 24 orëve të fundit, nga strukturat e Policisë janë ndëshkuar me masë administrative 10.000 lekë, 111 shtetas, të cilët u konstatuan nga shërbimet e Policisë duke lëvizur në këmbë apo me biçikleta, në orët e pasdites, pa ndonjë arsye apo emergjencë.

Në të gjithë vendin janë konstatuar 9 njësi tregtie që nuk kanë zbatuar orarin e mbylljes dhe ndaj administratorëve është marrë masa administrative, në bazë të nenit 3, pika 7 e Aktit Normativ Nr. 3, datë 15.03.2020.

Policia apelon për qytetarët se nuk do të lejohet asnjë këmbësor të dalë për shëtitje, aktivitet sportiv apo për motive të tjera, përveç emergjencave mjekësore dhe atyre që shkojnë në punë, të cilët duhet të kenë me vete kartën e identitetit dhe vërtetimin e punës nga punëdhënësi.

Për të bërë pazar në qendrat urbane, një pjesëtar i familjes duhet të aplikojë në e-Albania apo në numrin falas 55155, për t’u pajisur me autorizim, ndërsa pensionistët nuk lejohen në mënyrë kategorike të dalin nga banesa.

Shërbimet e Policisë, nëse do konstatojnë këmbësorë me mungesë të email-it apo mesazhit konfirmues nga e-Albania, do të aplikojnë gjobat ndaj tyre.

Policia e Shtetit apelon për të gjithë qytetarët që të respektojnë masat kufizuese, për të bërë të mundur parandalimin e përhapjes së COVID-19.

Sondazh

Article Logic
Execution time: 0.010720014572144
array(1) { ["section"]=> string(141) "policia-lume-ndeshkimesh-ne-24-ore-gjobiten-111-kembesore-dhe-9-biznese-arrestohet-shoferi-i-dehur-u-hiqet-patenta-20-te-tjereve-video-200903" }