Policia shpëton vajzën nga Shijaku, burri me kallashnikov e kërcënonte se do ta vriste

Publikuar tek: aktualitet, më 07:29 19-07-2017 Policia shpëton vajzën nga Shijaku, burri me kallashnikov e kërcënonte se do ta vriste

Specialistët për Krimet në Komisariatin e Policisë Shijak, falë ndërhyrjes së shpejtë kanë parandaluar përshkallëzimin e pasojave të një konflikti familjar.

Zeqir Nurka 27 vjeç, banues në Shijak ka ushtruar dhunë fizike dhe psikologjike ndaj  bashkëshortes së tij 18-vjeçare, L.B. Ngjarja dyshohet se ka ndodhur për motive të dobta, ndërkohë që i riu është arrestuar nga Policia.

Me të marrë njoftimin, menjëherë në ndihmë të 18-vjeçares kanë shkuar Efektivët e Policisë dhe gjatë kontrollit të ushtruar në banesë kanë gjetur dhe sekuestruar në cilësinë e provave material një armë zjarri automatik, tip kallashnikov, model 56, kalibër 7.62 mm dhe një krehër me 30 fishekë.

Policia thotë se Nurka ka qenë i dënuar më parë për veprën penale “Kundërshtimi i punonjësit të policisë së rendit publik”.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Dhunë në familje” dhe “Prodhimi dhe mbajtja pa leje e armëve dhe municioneve luftarake”.

Sondazh

Më shumë në këtë kategori: « Rama uron ditë të mbarë nga bulevardi më i ri i qytetit jugor
Operacioni “Befasia”, sekuestrohen 16 kile hashash dhe 92 bimë narkotike, arrestohet autori(Emri) »
Article Logic
Execution time: 0.011883974075317
array(1) { ["section"]=> string(91) "policia-shpeton-vajzen-nga-shijaku-burri-me-kallashnikov-e-kercenonte-se-do-ta-vriste-86614" }