Posti për kreun e KLSH, Meta i propozon Kuvendit si kandidat ish-këshilltarin e Berishës

Publikuar tek: aktualitet, më 12:32 17-07-2019 Posti për kreun e KLSH, Meta i propozon Kuvendit si kandidat ish-këshilltarin e Berishës Meta-Milo

Presidenti Ilir Meta ka vendosur t’i propozojë Kuvendit, si kandidat për postin e kryetarit të Kontrollit të Lartë të Shtetit, Petraq Milon.

Lajmi është bërë me dije nga zëdhënësi i kreut të shtetit, Tedi Blushi. Petraq Milo është ish këshilltari i ish-kryeministrit Berisha për çështjet ekonomike.

Po ashtu Milo ka qenë edhe anëtar i Këshillit të Mbikëqyrjes së BSH.

Ndërkohë, sipas sqarimit të Presidencës, Milo është një personalitet me një eksperiencë të jashtëzakonshme, brenda dhe jashtë vendit në fushën e financave, të auditit, të bankave dhe të ekonomisë në tërësi.

Kujtojmë se Kuvendi i ka rrëzuar dy kandidaturat e mëparshme të propozura anga Meta atë të Vitore Tushës dhe Bahri Shaqirit.

Njoftimi i plotë nga Presidenca: 

Zëdhënësi i Presidentit, z.Tedi Blushi bën me dije se:

Presidenti i Republikës Sh.T.Z Ilir Meta ka vendosur t’i propozojë Kuvendit të Republikës së Shqipërisë, si kandidat për postin e kryetarit të Kontrollit të Lartë të Shtetit, Prof. Dok. Petraq Milo.

Prof. Dok. Petraq Milo është një personalitet me një eksperiencë të jashtëzakonshme, brenda dhe jashtë vendit në fushën e financave, të auditit, të bankave dhe të ekonomisë në tërësi, gjithashtu me një kontribut të spikatur në drejtimin e institucioneve financiare, fiskale e bankare në Kosovë.

Përvoja e tij akademike, brenda dhe jashtë vendit, si edhe bashkëpunimi me institucionet më të rëndësishme financiare botërore dhe të Bashkimit Europian, janë një faktor i rëndësishëm për këtë zgjedhje.

Presidenti Meta falënderon edhe njëherë kandidatët e mëparshëm të propozuar prej Tij për postin e kryetarit të KLSH-së, znj.Vitore Tusha dhe z.Bahri Shaqiri, të cilët pranuan kandidimin e tyre, dhe është i bindur edhe sot në integritetin e lartë të tyre për drejtimin e KLSH.

Presidenti Meta duke qenë i bindur në drejtësinë e vendimit të Tij, pasi ka lexuar me shumë vëmendje sugjerimet e Kuvendit të Republikës së Shqipërisë lidhur me profilin profesional që duhet të ketë kandidati për kryetar i KLSH-së, nuk gjeti dot një kandidat më të përshtatshëm dhe me kaq eksperiencë të gjithanshme, si Prof. Dok. Petraq Milo, për të përmbushur me profesionalizëm dhe dinjitet këtë detyrë tepër të rëndësishme kushtetuese.

Presidenti Meta do t’ja dërgojë brenda ditës së sotme propozimin e tij Kuvendit, me besimin e plotë se do ta shqyrtojë këtë kandidaturë brenda këtij sesioni parlamentar, me objektivitet dhe përgjegjshmëri, që KLSH të funksionojë në mënyrë plotësisht kushtetuese e ligjore.

Sondazh

Article Logic
Execution time: 0.0071370601654053
array(1) { ["section"]=> string(94) "posti-per-kreun-e-klsh-meta-i-propozon-kuvendit-si-kandidat-ish-keshilltarin-e-berishes-172482" }