Prangoset motoristi 28- vjeçar në Librazhd, i ofroi policit 10 euro

Publikuar tek: aktualitet, më 08:45 02-03-2017 Prangoset motoristi 28- vjeçar në Librazhd, i ofroi policit 10 euro

I ofron ryshfet punonjësit të Policisë Rrugore me qëllim që t'i shmangej masës administrative por arrestohet në flagrancë drejtuesi i motorit.

Specialistët e Seksionit për Hetimin e Korrupsionit, në Drejtorinë Vendore të Policisë Elbasan, në bashkëpunim me efektivat e Policisë Rrugore në Komisariatin e Policisë Librazhd bënë arrestimin në flagrancë të shtetasit:

H.A., 28 vjeç, banues në Polis Librazhd.

Arrestimi i tij u bë pasi në aksin rrugor Mirakë - Librazhd, në vendin e quajtur “Kryqëzimi i Mirakës”, është ndaluar nga Patrulla e Policisë Rrugore, për arsye se ka qenë duke drejtuar mjetin motor në shkelje të Kodit Rrugor.

Në momentin e ndalimit ky shtetas ka tentuar t'i jap një kartëmonedhë 10 Euro punonjësit të Policisë Rrugore me qëllim që t'i shmangej masës administraive pasi ishte pa targa dhe i pa pajisur me leje drejtimi.

Policia sekuestroi në cilësinë e provës materiale kartmonedhën 10 Euro dhe motorin.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale "Korrupsion aktiv i personave që ushtrojnë funksione publike" dhe “Drejtimi i automjetit pa dëshmi”.

Sondazh

Më shumë në këtë kategori: « Implikimi i shefit të policisë në pazaret e drogës, zbardhen telefonatat: “Do therin ca keca, bëhu gati”
Arrestohen 3 punonjës të kompanisë së sigurisë, gjoja e kishin nën mbrojtje por vodhën “TAP” (EMRAT) »
Article Logic
Execution time: 0.010518789291382
array(1) { ["section"]=> string(71) "prangoset-motoristi-28-vjecar-ne-librazhd-i-ofroi-policit-10-euro-70457" }