Prerja e pyjeve në Shkodër, Policia arreston punonjësin e shërbimit pyjor

Publikuar tek: aktualitet, më 21:53 26-08-2017 Prerja e pyjeve në Shkodër, Policia arreston punonjësin e shërbimit pyjor

Përveç zjarreve në këtë verë që kanë shkatuar dëme të mëdha në pyjet shqiptare, edhe prerja e pyejeve është një fenomen që po shkakton dëme të mëdha në faunën e vendit.

Në shkodër Policia njofton se ka bërë të mundur ndalimin e shtetasit Mark Shtjefni, 58 vjeç, me detyrë specialist i pyjores, me akuzën e “prerje e paligjshme e pyjeve" dhe "Fshehje e të ardhurave".

Më poshtë njoftimi i plotë i Policisë:

Vijon operacioni “Roja I Gjelber”

Arrestohet specialisti i  pyjores për "Shpërdorim detyre"

Proçedohet në gjendje të lirë një shtetas për "Prerje e paligjshme e pyjeve" "Fshehje e të ardhurave"

Më datë 25.08.2017,  nga specialistët e seksionit kundër krimit ekonomik - financiar në Drejtorinë Vendore të Policisë Shkodër , u arrestua në flagrancë shtetasi:

- Mark Shtjefni, 58 vjeç,  banues në Shkodër, me detyrë Specialist i Zyrës së Administrimit të Pyjeve dhe Kullotave në Bashkinë Shkodër, për vepren penale "Shpërdorimi i detyrës" parashikuar nga neni 248 i Kodit Penal.

Gjithashtu filloi proçedimi penal në gjendje të lirë për shtetasin E.K. 37 vjec, banues në Shkodër, për vepren penale "Prerja e paligjshme e pyjeve" dhe "Fshehja e të ardhurave" parashikuar nga 205 dhe 180 të Kodit Penal.

Proçedimet penale ndaj tyre filluan pasi shtetasi E.K. u konstatua me mjetin tip Ifa me lëndë drusore, ku mjeti kishte Vertetim Transporti të lëshuar nga shtetasi Mark Shtjefni, por nuk posedonte faturë  tatimore të shoqërimit të lëndës drusore.

Materjalet proçeduriale i kaluan  Prokurorisë së Rrethit Gjyqësor Shkodër për veprime të mëtejshme.

Sondazh

Më shumë në këtë kategori: « Grabitje me armë të ftohta në aksin Vau Dejës-Pukë
Tentuan vrasjen e 37-vjeçarit, arrestohen 2 kushërinjtë në Maliq »
Article Logic
Execution time: 0.0089230537414551
array(1) { ["section"]=> string(78) "prerja-e-pyjeve-ne-shkoder-policia-arreston-punonjesin-e-sherbimit-pyjor-90279" }