‘Presion për arsye absurde’, Unioni i Gazetarëve reagon për bllokimin e RTSH: Liga e Futbollit të reflektojë

Publikuar tek: sport, më 14:46 20-10-2020 ‘Presion për arsye absurde’, Unioni i Gazetarëve reagon për bllokimin e RTSH: Liga e Futbollit të reflektojë

Unioni I Gazetarëve shqiptarë e ka quajtur të papranueshëm vendimin e Ligës së Futbollit për t’I hequr RTSH-së të drejtën e transmetimit të momenteve më të mira të Superligës shqiptare, duke shkelur kështu edhe kontratën.

Unioni I Gazetarëve e sheh të papranueshëm këtë vendim të Ligës së Futbollit duke I bërë thirrje përfaqësuesve të saj që të reflektojnë, duke mos ndikuar në linjën editorial të një televizioni. 

“U bëjmë thirrje bashkë me organizata të tjera gazetaresh, sisomos ato te gazetareve spoetive, përfaqësuesve të Ligës të reflektojnë mbi këtë vendim të papranueshëm të tyre dhe të mos harrojnë se jetojmë në një vend demokratik ku liria e shprehjes duhet të jetë gjithnjë në funksion të së mirës publike...”, thuhet ndër të tjera në reagimin e UGSH.

Liga e Futbollit, nëpërmjet një reagimi të kreut të saj Edvin Libohova I hoqi të drejtën RTSH-së që të transmetonte momentet më të mira të Superligës, duke shkelur kontratën.

Tirane me 20.102020

UNIONI I GAZETAREVE SHQIPTARE shpreh indinjatën dhe mosaprovimin e tij për deklaratën e paprecedentë të Ligës Profesioniste te Futbollit, në përfundim të mbledhjes së datës 19 tetor 2020. Nëpërmjet presidentit të saj zotit Edvin Libohova, Liga u shpreh se njëri prej vendimeve të saj të rëndësishëm ishte mosrinovimi i kontratës me RTSH për transmetimin e përmbledhjeve të ndeshjeve të Superligës për sezonin në vijim. Arsyeja, sipas Libohovës, është qëndrimi jo sipas interesave të Ligës i emisionit “Rubrika Sportive” në RTSH.

Ky vendim, vjen në formë ndëshkimi dhe presioni ndaj transmetuesit publik dhe emisionit më të vjetër sportiv në Shqipëri, për një arsye absurde dhe të papranueshme: shprehja e lirë e mendimit. Unioni i Gazetarëve Shqiptarë kërkon të sjellë në kujtesë se në vendin tonë është luftuar shumë dhe është vuajtur edhe më shumë për të fituar të drejtën e fjalës dhe askush sot, nuk e ka të drejtën të na kthejë në kujtesë, kohë të errëta dhe të pretendojë të intimidojë gazetarë, tu mbyllë gojën, apo aq më keq të diktojë linjën editoriale të një studioje televizive, për më tepër, që nga përfaqësuesi i Ligës nuk u tha asnjë rast konkret i pretendimit të shpifjes, apo mungesës së etikës prej drejtueses së emisionit apo të ftuarve të tjerë.

U bëjmë thirrje bashkë me organizata të tjera gazetaresh, sisomos ato te gazetareve spoetive, përfaqësuesve të Ligës të reflektojnë mbi këtë vendim të papranueshëm të tyre dhe të mos harrojnë se jetojmë në një vend demokratik ku liria e shprehjes duhet të jetë gjithnjë në funksion të së mirës publike...

Zyra e Shtypit

Unioni i Gazetarëve Shqiptarë

Sondazh

Më shumë në këtë kategori: « Kampionati i Futbollit/ Kërcënon Fidel Ylli: Do shkrijmë federatën, po nuk dolën nga çadra (Ripërsëritet historia e 2006 kur Duka quhej “Klani i Zemunit”)
»
Article Logic
Execution time: 0.011325120925903
array(1) { ["section"]=> string(111) "presion-per-arsye-absurde-unioni-i-gazetareve-reagon-per-bllokimin-e-rtsh-liga-e-futbollit-te-reflektoje-224450" }