Prokuror në Prokurorinë e Përgjithshme, Bilbil Mete jep dorëheqjen, KPK e thërret në seancë por më pas e anulon: Nuk do të dëgjohet (PASURIA)

Publikuar tek: aktualitet, më 13:25 01-12-2020 Prokuror në Prokurorinë e Përgjithshme, Bilbil Mete jep dorëheqjen, KPK e thërret në seancë por më pas e anulon: Nuk do të dëgjohet (PASURIA)

Bilbil Mete, prokuror në Prokurorinë e Përgjithshme ishte parashikuar të përballej me Komisionin e Pavarur të Kualifikimit nesër, më datë 2 dhjetor, por seanca dëgjimore u anulua përmes një njoftimi të paprecedentë të Komisionit. “Seanca dëgjimore… nuk do të zhvillohet, pasi subjekti nuk dëshiron të dëgjohet në seancë dëgjimore,” njoftoi KPK sot.

Bilbil Mete ka një karrierë të gjatë në sistemin e drejtësisë dhe ka punuar për gati dy dekada në Prokurorinë e Përgjithshme. Por më 15 tetor, Mete i paraqiti dorëheqjen Këshillit të Lartë të Prokurorisë, me argumentin se kishte mbushur moshën e pensionit.

Kërkesa për dorëheqje e Z. Mete është debatuar në mbledhje, pasi mosha e daljes në pension është 67 vjeç dhe jo më 65 vjeç. Në fund të mbledhjes, anëtarët e KLP-së vendosën deklarimin e mbarimit të statusit të Bilbil Metes për shkak të dorëheqjes.

Sipas vendimit të KLP-së, dorëheqja i ka dhënë efektet më 31 tetor 2020, ndaj është e paqartë se pse KPK vendosi ta thërrasë Meten në seancë dëgjimore.

Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale.

Në deklaratën e parë të dorëzuar në vitin 2003, prokurori Bilbil Mete deklaronte pasuri familjare me vlerë 3.4 milionë lekë, ndërkohë që në fund të vitit 2017, pasuria familjare e tij kap vlerën e 15.5 milionë lekëve.

Pasuritë e paluajtshme përbëjnë pjesën kryesore të aseteve me vlerë 13.6 milionë lekë, ndërsa automjetet kapin vlerën e 1.3 milionë lekëve. Z. Mete deklaron gjithashtu kursime në cash prej 508 mijë lekësh dhe likujditete bankare prej 78 mijë lekësh.

Të ardhurat familjare për periudhën deklaruese janë 62.2 milionë lekë, nga të cilat paga për shkak të funksionit zë gati 39% dhe pagat e familjarëve rreth 42%. Rreth 17% e të ardhurave kanë burime të ndryshme të deklaruara, si mësimdhënia, trajnimet etj.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. Kontrolli aritmetik/logjik për 14 vite të deklarimit rezultoi pa probleme.

Nga analiza cilësore e deklaratave të pasurisë, BIRN identifikoi disa “flamuj të kuq”, të cilët lidhen me legalizimin e një shtëpie në Laprakë si dhe me vlerat e ndryshme të një huaje të deklaruar.

Në vitin 2015, prokurori Bilbil Mete deklaroi legalizimin e një banese në Laprakë, që kishte qenë në proces legalizimi që në vitin 2006. Megjithatë, në deklarim mungojnë të dhënat e shpenzimeve të legalizimit si dhe nëse banesa e legalizuar ishte e njëjta e deklaruar në deklaratën për herë të parë të vitit 2003.

Gjithashtu në vitin 2007, Z. Mete deklaron një hua të marrë nga kunati me qëllim blerjen e një sipërfaqeje toke në Gjirin e Lalzit nga i biri. Në vitin 2009, e njëjta hua deklarohet në vlerën e 1.5 milionë lekëve –shumë e cila është shlyer plotësisht në vitet e mëpasme.

Bilbil-Mete-skeda-e-pasurise.jpg

Sondazh

Më shumë në këtë kategori: « U gjet i vetëvarur në magazinë, shkaku që çoi 42-vjeçarin nga Hasi në aktin ekstrem
VIDEO: Makina përplas efektivin e “Illyrian Gruad” në Tiranë »
Article Logic
Execution time: 0.013346910476685
array(1) { ["section"]=> string(143) "prokuror-ne-prokurorine-e-pergjithshme-bilbil-mete-jep-doreheqjen-kpk-e-therret-ne-seance-por-me-pas-e-anulon-nuk-do-te-degjohet-pasuria-229772" }