Prokuroria dorëzon në Gjykatë dosjen “Doshi-Frroku”

Publikuar tek: aktualitet, më 18:08 27-03-2015 Prokuroria dorëzon në Gjykatë dosjen “Doshi-Frroku”

Prokuroria e Përgjithshme ka dorëzuar sot pasdite në Gjykatën e Lartë dojen për arrestimin e dy deputetëve Tom Doshi dhe Mark Frroku.

Gjithashtu, mësohet se gjatë ditës së nesërme do të hidhet shorti për kolegjin penal, ndërsa avokatët e të ndaluarve do të kërkojnë lirimin e klientëve të tyre, pasi e konsiderojnë ndalimin e deputetëve nga Policia si të jashtëligjshëm.

Prokuroria nga ana e saj do të kërkojë shpalljen si të ligjshme të ndalimit të Doshit dhe Frrokut, si dhe të kërkojë masën “arrest me burg” për dy deputetët.


Përreth 4 orë ka zgjatur seanca e pyetjeve ndaj Tom Doshit nga prokurorët e çështjes në ambientet e Drejtorisë së Policisë së Tiranës. Të pranishëm në seancën e pyetjeve kanë qenë edhe avokatët e deputetit, të cilët kanë deklaruar më parë se ndalimi i klientit të tyre është i paligjshëm.

Avokatët e deputetit Doshi kanë deklaruar se qendrimi i klientit të tyre për çështjen nuk ka ndryshuar dhe mbetet ai që ka mbajtur publikisht, ndërkohë kanë pranuar se nuk janë njohur ende me akuzat e Prokurorisë.

Avokatët kanë thënë se sot ka qenë momenti procedurial i pyetjeve nga prokurori, ndërsa mbeten në pritje të vendimit të Gjykatës së Lartë pas kërkesës së depozituar nga ta, ku kërkohet lirimi i Doshit.


Avokati i Tom Doshit Vladimir Meçi ka dorëzuar sot në Gjykatën e Lartë kërkesën për lirimin e menjëhershëm të Doshit, pasi sipas tij ndalimi është krejtësisht i paligjshëm.

“I kërkova lirimin e menjëherëshëm se është ndalim I kundërligjshëm. Prokurori ka tejkaluar kompetencat”, ka deklaruar Meçi pas dorëzimit të kërkesës. Avokati i Doshit përsërit edhe njëherë se ligji përcakton që Gjykata e Lartë ka 48 orë kohë për të marrë një vendim.

Prokuroria ende nuk e ka paraqitur kërkesën e saj ku do t’I kërkojë gjykatës vlerësimin e urdhër-ndalimeve dhe masën e arrestit.

“Doshi nuk është marrë akoma në pyetje.  Do të merret pas pak’’, ka përfunduar avokati Meçi.

Sondazh

Më shumë në këtë kategori: « Katër shtetas arrestohen nga policia, drejtonin makinat pa patentë
Fushë-Krujë, grabitet banesa në fshatin Bubq »
Article Logic
Execution time: 0.012280941009521
array(1) { ["section"]=> string(54) "prokuroria-dorezon-ne-gjykate-dosjen-doshi-frroku-7093" }