Prokurorja e Përmetit nesër në vetting, si ka ndryshuar pasuria në vite (SKEDA)

Publikuar tek: aktualitet, më 23:00 30-09-2020 Prokurorja e Përmetit nesër në vetting, si ka ndryshuar pasuria në vite (SKEDA) FotoArkive: Anetaret e KPK

Prokurorja Silvana Pani e Prokurorisë së Rrethit Përmet do të përballet të enjten më 1 tetor me Komisionin e Pavarur të Kualifikimit. Trupa gjykuese që po kryen procesin e vlerësimit për të përbëhet nga Roland Ilia, Etleda Çiftja dhe Firdes Shuli.

Silvana Pani e ka filluar karrierën në sistemin e drejtësisë në vitin 1995, duke punuar si prokurore në Përmet dhe në Gjirokastër. Pani ka qenë edhe drejtuese e Prokurorisë së Përmetit.

Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Në deklaratën e parë të dorëzuar në vitin 2003, prokurorja Pani deklaronte pasuri prej 2 milionë lekësh, ndërsa në fund të vitit 2018, pasuria e saj familjare kap vlerën e 13 milionë lekëve.

Ajo zotëron familjarisht pasuri të patundshme me vlerë 5.3 milionë lekë, likujditete bankare prej 1.8 milionë lekësh dhe pasuri të luajtshme prej 1 milion lekësh. Gjithashtu, subjekti dhe bashkëshorti i saj kanë deklaruar gjendje cash gjatë periudhës deklaruese, shumatorja e së cilës kap vlerën e 4.9 milionë lekëve.

Të ardhurat familjare për periudhën deklaruese janë 27.7 milionë lekë, nga të cilat 65% burojnë nga paga e Znj.Pani dhe 25% nga paga e bashkëshortit. Dhuratat në cash zënë gjithashtu rreth 5.3% të të ardhurave familjare.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. Nga kontrolli aritmetik/logjik për 14 vite të deklarimit, njëra prej deklaratave rezultoi me probleme.

Në vitin 2007, subjekti dhe bashkëshorti i saj nuk deklarojnë të ardhura nga pagat, si rezultat i së cilës rezulton me diferencë negative për këtë vit. Nga analiza cilësore e deklaratave të pasurisë, BIRN identifikoi disa “flamuj të kuq”, të cilët lidhen me huatë, vlerën e një apartamenti si dhe me deklarimet e kursimeve në cash.

Më konkretisht, në vitet 2012 dhe 2013, bashkëshorti i Znj. Pani deklaron kthim borxhi përmes bankës në vlerat 3496USD dhe 850 mijë lekë. Këto detyrime nuk rezultojnë të deklaruara në vitet e mëparshme.

Bashkëshorti i subjektit deklaron gjithashtu dhurata në cash nga vëllai në vlerën e rreth 1.4 milionë lekëve. Në vitin 2012, bashkëshorti i subjektit deklaron pagesën e një kësti për blerjen e një apartamenti, pa deklaruar vlerën e plotë të kësaj prone.

Një tjetër “flamur i kuq” lidhet me deklarimet e kursimeve në cash, ku ndryshe nga kërkesat e ligjit, deklarohen gjendjet në fund të vitit dhe jo shtesat apo pakësimet. /BIRN

Silvana-Pani-skeda-e-pasurise.jpg

Si e vlerësoni punën e secilit ministër të qeverisë Rama 2?

Votoni nga 1 te 10 (1 nenkupton shumë keq, 10 nënkupton shumë mirë)

Anila Denaj - Ministre e Financave
Arben Ahmetaj - Ministër i Shtetit për Rindërtimin
Belinda Balluku - Ministre e Infrastukturës dhe Energjitikës
Bledi Çuçi - Ministër i Bujqësisë
Blendi Klosi - Ministër i Turizmit
Eduard Shalsi - Ministër Shteti për Mbrojtjen e Sipërmarrjes
Elisa Spiropali - Ministre e Shtetit për Marrëdhëniet me Parlamentin
Elva Margariti - Ministre e Kulturës
Etilda Gjonaj - Ministre e Drejtësisë
Evis Kushi - Ministre e Arsimit, Rinisë dhe Sportit
Ogerta Manastirliu - Ministre e Shëndetësisë
Olta Xhaçka - Ministre e Mbrojtjes
Pandeli Majko - Ministër i Diasporës
Sandër Lleshaj - Ministër i Brendshëm

Sondazh

Article Logic
Execution time: 0.011786937713623
array(1) { ["section"]=> string(83) "prokurorja-e-permetit-neser-ne-vetting-si-ka-ndryshuar-pasuria-ne-vite-skeda-222271" }