Prostitucion para godinës së qeverisë së Kosovës, nga gjetja e klientit, te prezervativi (FOTOT)

Publikuar tek: aktualitet, më 08:22 07-11-2015

Portali në Kosovë Orainfo ka publikuar një skandal seksual në rrugët e Prishtinës, përballë godinës së qeverisë. Gazetarët kanë parë dhe fotografuar nga afër gratë që presin klientët e tyre madje edhe ndërmjetësuesit. Momentet e vendosjes së prezervativit për një nga klientët është kapur me një kamera telefoni. Më poshtë shkrimi i publikuar në Orainfo.

Nga: Gentiana Hasani

E kalojnë gjithë ditën në të nxehtë e në të ftohtë. Këto gra shoqërohen me persona të ndryshëm kryesisht meshkuj, muhabeti i të cilëve nuk është i zakonshëm. Grat të cilat qëndrojnë përballë Qeverisë së Kosovës gjatë gjithë ditës mundohen që ti bindin qytetarët se ato janë të afta dhe të gatshme që ti kënaqin ata me shërbime seksuale.

Sela quhet njëra nga gratë e këtij grupi. Ajo nga pamja duket mjaftë e moshuar (afër të 60-tave), por kjo gjë nuk u pengon partnerëve të saj që ta lejojnë atë që ti ofroj shërbime seksuale. Sela ndonëse në moshë e ka komoditetin që ti zgjedh partnerët të cilët e kanë mundësinë që ti ofrojnë asaj më shumë para, raporton ORAinfo.

Siç mëson ORAinfo çmimi për një shërbim seksual nga këto gra varion nga 3 e deri në 10 euro varësisht nga datat e muajit. Kjo ngase ato e rrisin çmimin gjatë datave 22-25 të çdo muaji, datë kjo në të cilat gratë kënaqen nën shoqërinë e personave të moshuar të cilët marrin pensionet nga të cilat mund të paguajnë për shërbimet nga to.

E në këtë grup janë 5 gra të cilat udhëhiqen nga ‘bossi’, një plak ky rreth të 70-tave me plis në kokë i cili i menaxhon ato se me kë të shkojnë e kë jo.

Vendi të cilin e frekuentojnë këto gra është një vend prapa muzeut të Prishtinës. Vend ky i vjetërsuar në të cilin kryhen shërbime jo më të gjata se njëzet minuta. Si dhe një objekt tjetër të cilin ato e frekuentojnë e që gjendët në rrugën ‘Fazli Graiqevci’, të Prishtinës.

Kështu kalohet dita nga këto gra. Ato madje kanë dhe numrat e tyre të telefonave të cilët ua japin klientëve, të cilët nëse u pëlqejnë shërbimet mund ti thërrasin prapë.

Ndërkaq policia e Kosovës shprehet se çdo ditë është duke ndërmarrë veprime hetimore lidhur me këtë rast. Zyra për Informim nga PK në përgjigjet dërguar ORAinfo ka thënë tashmë janë duke e trajtuar rastin për ‘marrje me prostitucion’, dhe se rasti tashmë është në Gjykatë.

“Lidhur me rastin të cilit ju i jeni referuar PK-ja ka informacionet relevante dhe ka ndërmarr veprimet e nevojshme për hetim, duke identifikuar te dyshuarit dhe ndaj tyre janë ngritur procedurat për ” marrje me prostitucion” në gjykatën kompetente, për procedura te mëtutjeshme”, ka thënë për ORAinfo policia e Kosovës. /ORAinfo/

{gallery}prostitucionkosove{/gallery}

Sondazh

Më shumë në këtë kategori: « Policia arreston tre trafikantë refugjatësh, zbulohet linja nga Turqia me destinacion kufirin Serbo-hungarez
Zbulohet arsyeja e ndarjes së Floriana Garos me milionerin Tedi Ngjela »
Article Logic
Execution time: 0.01415491104126
array(1) { ["section"]=> string(98) "prostitucion-para-godines-se-qeverise-se-kosoves-nga-gjetja-e-klientit-te-prezervativi-fotot-24868" }