Publikohet e-maili i MASR për pedagogët e universiteteve: Kujdes me notat! Mos penalizoni studentët për shkak të situatës së pandemisë

Publikuar tek: aktualitet, më 20:06 10-07-2020 Publikohet e-maili i MASR për pedagogët e universiteteve: Kujdes me notat! Mos penalizoni studentët për shkak të situatës së pandemisë

Është zbuluar mesazhi që Ministria e e Arsimit Sportit dhe Rinisë i ka dërguar pedagogëve të universiteteve publike.

MASR i kërkon atyre që të mos penalizojnë studentët me rezultate shumë më të ulëta se në provimet e mëparshme për shkak të situatës nga COVID-19 dhe mënyrës së re të zhvillimit të mësimit.

Në një e-mail dërguar pedagogëve, MASR kujton rekomandimet e UNESCO, OECD dhe UNICEF, që të bëhet kujdes në lidhje me vlerësimin e studentëve duke sugjeruar ‘shmangien aty ku është e mundur të vendosjes së rezultateve më të ulëta për shkak të situatës’.

“Përshëndetje të nderuar Profesorë,

Uroj të jeni të gjithë mirë! Meqenëse studentët e vitit të fundit në përgjithësi janë duke zhvilluar provimet e sezonit të Korrikut, po ju sjell në vëmendje kujdesin që duhet të jetë më i shtuar në lidhje me vlerësimet (notat) e provimeve përkatëse.
Në të gjitha rekomandimet e organizatave ndërkombëtare, si UNESCO, OECD, UNICEF, rekomandohet që të kihet një kujdes i shtuar në lidhje me vlerësimin e studentëve, duke pasur parasysh situatën dhe mënyrën e re të zhvillimit të mësimit.
Pavarësisht mënyrës së ndryshme të zhvillimit të mësimit, rezultatet e provimeve duhet të jenë të ngjashme me periudhat e mëparshme. Nuk do të ishte e drejtë që studentët të penalizoheshin me rezultate shumë më të ulëta se në provimet e njëjta në vitet e mëparshme, ose në krahasim me semestrat e mëparshëm në lëndë të tjera. Duke qenë se këta student janë të njëjtë si në semestrat e mëparshëm, duhet të shmangim aty ku është e mundur vendosjen e rezultateve më të ulëta për shkak të situatës.
Për shkak të kohës së shkurtër në mes dhënies së provimit dhe publikimit të rezultateve, procesi i vendosjes së notave mund të zgjatet disi, duke përfshirë dhe krahasime me vitet e mëparshme të së njëjtës lëndë, në mënyrë që shpërndarja e notave të jetë e ngjashme me periudhat e mëparshme”.

email.jpg

Sondazh

Article Logic
Execution time: 0.010187864303589
array(1) { ["section"]=> string(139) "publikohet-e-maili-i-masr-per-pedagoget-e-universiteteve-kujdes-me-notat-mos-penalizoni-studentet-per-shkak-te-situates-se-pandemise-213473" }