“Pusho tani se e ke zakon”, Shehi shpërthen ndaj Spiropalit: Kjo është hipokrite

Publikuar tek: barometri, më 08:23 05-06-2018 “Pusho tani se e ke zakon”, Shehi shpërthen ndaj Spiropalit: Kjo është hipokrite

Të ftuar në emisionin ‘Studio e Hapur’, deputeti demokrat Dashamir Shehi u përplas me Elisa Spiropalin gjatë diskutimeve në lidhje me turin e llogaridhënies publike.

 

 Shehi e cilësoi “Shqiëria që duam” si një portal antiligjor që dalëngadalë po zëvëndëson shtetin, teksa është përballur me kundërshtimin e deputetes Spiropali.

Sakaq demokrati ka shpërthyer nga Spiropalit, duke i kërkuar rradhën e fjalës.

Shehi: U thotë njerëzve bëni mesazh te portali dhe merrni përgjigje për 10 ditë. Cili është ky portal që zëvendëson institucionet e shtetit. Pse duhet t’i drejtohet qytetari portalit? Kjo është tallje dhe është e paligjshme? Është kundër kushtetutës, është antiligjore, çfarë është ky shtet, çfarë janë këto ligje. Hallin nuk do na e zgjidhi i madhi, as portali që ka hapur i madhi. Ky e ka çuar në ekzagjerim të tepërt, është teatër i tepërt për një kryeministër. Ne gjykojmë që është një propagandë banale, bën bla bla bla nga mëngjesi në darkë. Na kujton kohë të vjetra, kohën e Mao Ce Dunit. Por Mao Ce Duni drejtonte 1 miliard njerëz, i shkon të bëjë gjëra të tilla. Ky nuk i thotë më fletrrufe, por i thotë portal. Cirku i budallallëkut është.

Spiropali: Sa më shumë e shajnë Ramën, stilin e tij në 20 vjet unë këtë kam dëgjuar që kur mbaj mend nga politika. Edi Rama ka këtë stilin e ekzagjeruar, shih ça vesh, por në 20 vjet Edi Rama rrit votat dhe popullaritetin.

Shehi: Po edhe Enver Hoxha…

Spiropali: Ai i kishte me dhunë. Ky kryeministër nuk rrahu një herë me një protestë. Bëhuni seriozë se nxorrët sot te Komisioni Medita kryeredaktorin e RD dhe thonit ja simboli i gazetarisë. Ju i dini budallenj njerëzit.

Shehi: Fole ti, fola unë.

Spiropali: Të gjithë njerëzit bashkë nuk gabojnë.

Shehi: Moj zonjushë, fole ti të dëgjova unë. Pusho tani se e ke zakon. Me radhë të lutem.

Spiropali: Më dha fjalën zonja Vasili.

Shehi: Shumë mirë Eni, ia dhe fjalën, mos ja jep më. Kjo thotë ai është Skënderbeu. Ne gjykojmë që kjo është hipokrite dhe tallje me qytetarët.

Sondazh

Article Logic
Execution time: 0.0308678150177
array(1) { ["section"]=> string(83) "pusho-tani-se-e-ke-zakon-shehi-shperthen-ndaj-spiropalit-kjo-eshte-hipokrite-123269" }