Kryeministri Rama tha sot ( 20 masr, e premte) në konferencën mbi Infrastrukturën Digitale se dixhitalizimi do t’i shërbejë luftës kundër korrupsionit.
“Dixhitalizimi përbën një qëllim të pakontestueshëm për të luftuar korrupsionin dhe për të rritur cilësinë e shërbimit. Ne jemi të angazhuar shumë fort për këtë shërbim dhe një plan tërësor që përfshin prekjen e 300 shërbimeve që u ofrohen qytetarëve është në veprim”, u shpreh Rama.
Sipas tij dixhitalizimi do të shmangë monopolin mediatik, do t’u shërbejë investitorëve të huaj që duan të hynë në tregun mediatik si dhe medias për të zgjeruar mbulimin e saj.
Në mbyllje të fjalës së tij, Edi Rama shprehu mirënjohjen e tij për delegacionin europian në Shqipëri, misionin e OSBE dhe ekspertëve që sipas tij kanë siguruar rritjen e cilësisë për të marrë vendimet e duhura.
