Rama i del në mbrojtje çiftit Bollino-Malltezi: Ilir Meta i zhytur në vulgaritet dhe antishtet! Ata i shërbejnë publikut me kurajo e profesionalizëm (E PLOTË)

Publikuar tek: politike, më 13:23 25-10-2020 Rama i del në mbrojtje çiftit Bollino-Malltezi: Ilir Meta i zhytur në vulgaritet dhe antishtet! Ata i shërbejnë publikut me kurajo e profesionalizëm (E PLOTË) Carlo Bolino dhe Edi Rama / Ilir Meta

Kryeministri Edi Rama i ka dalë në mbrojtje botuesit Carlo Bollino dhe bashkëshortes së tij Alba Malltezit, pas akuzave të Presidencës në drejtim të tyre.

Përmes një postimi në rrjetet sociale, Rama shkruan se sulmi i presidentit Ilir Meta ndaj çiftit Bollino-Malltezi është skandaloz. Sipas tij kjo tregon një tjetër zhytje e Presidentit në bozën e vulgaritetit, brutalitetit e antishtetit.

"Sulmi skandaloz i Ilir Metës mbi Alba Malltezin, bashkëshorten e Carlo Bollinos, është një tjetër zhytje e presidentit të republikës në bozën e vulgaritetit, brutalitetit, antishtetit! Çfarë dreqin do akoma nga Shqipëria ky njeri që ka marrë më shumë se kushdo në historinë e saj!" shkruan Rama.

Më tej kryeministri Rama nuk ka nguruar të lavdërojë profesionalizmin e Carlo Bollinos dhe gruas të tij, duke shkruar se ata i shërbejnë publikut me kurajon e tyre.

"I vetmi faj i Alba Malltezit dhe Carlo Bollinos është se i shërbejnë publikut me kurajon e me profesionalizmin e tyre dhe Ilir Meta është i fundit shqiptar në planet që mund t'i kërkojë hesap kujtdoqoftë, jo më Albës e Carlos, për si i sigurojnë të ardhurat e tyre!Çfarë katandie!" përfundon Rama.

Kujtojmë se prej disa ditësh, Presidenca ka sulmuar fortë Bollinon, bashkëshorten dhe një gazetar në median e tij, pasi kanë publikuar disa artikuj që e akuzojnë Metën për shkelje të rënda me dhënien e disa qindra nënshtetësive.

asfweg33gggg.jpg

Sondazh

Më shumë në këtë kategori: « Rama viziton pallatin e rikonstruktuar në Shijak, gratë e presin me ëmbëlsira: E ke bërë dritë, siç je vetë (BATUTAT)
Presidenca i përgjigjet Ramës: Shkarko Alfred PEZËN dhe Sadri ABAZIN, kthehu urgjent te 5 qershori, ndryshe... »
Article Logic
Execution time: 0.01068902015686
array(1) { ["section"]=> string(161) "rama-i-del-ne-mbrojtje-ciftit-bollino-malltezi-ilir-meta-i-zhytur-ne-vulgaritet-dhe-antishtet-ata-i-sherbejne-publikut-me-kurajo-e-profesionalizem-e-plote-225078" }