Rama për gazetën italiane: Ndihma për Italinë në emër të Nënë Terezës dhe gjyshes sime, Veronikës

Publikuar tek: politike, më 20:08 01-04-2020 Rama për gazetën italiane: Ndihma për Italinë në emër të Nënë Terezës dhe gjyshes sime, Veronikës

“Në një çast kur është vërtet i nevojshëm solidariteti, shtetet nuk mund të rrinë secili në dhomën  e vet, në këtë shtëpi europiane”, shprehet kryeministri Edi Rama në një intervistë për gazetën italiane “Panorama”.

“Ndihmat për Italinë në emër të Nënë Terezës dhe gjyshes sime, Veronikës”, shprehet Rama duke shpjeguar se përse nisi 30 mjekë dhe infermierë në ndihmë të Italisë.

“Ju përmendët si model Nënë Terezën e Kalkutës, që ia vlen ta kujtojmë që ishte shqiptare, në vendimin për të dërguar mjekët shqiptarë”, e pyet gazetarja.

“Do të thosha se kur bën këtë punë, këtë stërmundim, këtë mision, nuk është e lehtë dhe kur ke të bësh me probleme të ndërlikuara dhe probleme që janë rezultat i shumë e shumë viteve mungesë reformash, ndonjëherë, ndihesh shumë keq, i rrethuar vërtetë nga errësira. Pastaj, kemi edhe atë thënien e jashtëzakonshme të saj që thotë: “Në vend që të mallkosh errësirën, ndiz qiririn”. Pra, nëse gjithësecili do të ndizte një qiri, nuk do të kishte më errësirë. Pra, ne bëmë pikërisht këtë gjë, ndezëm qiririn tonë, që nuk do të zgjidhë kushedi se çfarë në të ftohtin  që rrethon këtë katedrale të errët italiane në mes të Europës, që qëndron aty si për të treguar se në çfarë gjendjeje të dhembshme është vetë Europa, kur përballet me probleme që shkojnë përtej aftësive të saj, për të bërë këto kompromise, për të marrë këto vendime, por, gjithsesi, ma mbush zemrën plot”, deklaron Rama.

“Mirënjohjen them se prisja, por tërë këto brohorima dhe emocione sinqerisht, jo”, shton ai.

“Për më tepër, ju arritët një mrekulli, bashkuat të majtën dhe të djathtën italiane”, shprehet gazetarja.

“Ndoshta, ajo që i bëri bashkë ata është indiferenca e Europës dhe sjellja vërtet e pakuptueshme e ndonjë shteti europian, që nuk arrin të dalë nga korniza gati teologjike. Në një moment që ka nevojë për solidaritet, shtetet nuk mund të rrinë secili në dhomën e vet në këtë shtëpi europiane, ndërkohë që vjen  lajmi se njëra dhomë po digjet. Çfarë bëjnë , shikojnë secili dhomën e vet, kjo nuk është e mundur. Besoj se ky ishte një motiv i rëndësishëm në gjithë këto brohorima e emocionuese që na kanë prekur thellësisht”, – tha Rama.

Kryeministri Rama theksoi se “kur m’u desh t’i përgjigjesha, shumë e shumë vite më parë, pyetjes “Si është për mua Shqipëria e së ardhmes, Shqipëria e fëmijëve të mi”, unë iu përgjigja “Italia ështe në mes”. Më thanë “Por çfarë do të thotë kjo” dhe unë iu përgjigja “Mosmiratim gjenial”, sepse të bëhesh zviceran apo gjerman, me tërë respektin, do të ishte një mërzi shumë e madhe. Ne jemi absolutisht të lumtur që jemi pranë Italisë, jemi ushqyer me atë që është kultura italiane, e kemi ëndërruar Italinë në mënyrë ideale, , pastaj na u desh ta njohim në mënyrë reale, por nuk pati asnjë problem, ajo është e fantastike”.

Më pas , Rama, u shpreh se “besoj se gjyshja ime, ajo ishte një katolike e zellshme dhe që më fliste italisht që në vegjëli, që më thoshte se nga ana tjetër e detit janë të kaltrit tanë, do të jetë e kënaqur të shohë që nga parajsa se, më në fund, erdhi një çast që Shqipëria e saj të shihet nga Italia si një qiri.

“Dhe, që ta dini, edhe ajo ndizte qirinj”, tha Rama për gjyshen e tij e cila quhej Veronika.

I pyetur se në çfarë pike është Shqipëria në rrugën drejt hyrjes në BE dhe nëse kjo çështje do të përshpejtojë kohën, Rama tha se “shpresoj që të paktën të mos krijojë problem, sepse u përdor shumë. Nuk dua të bëj një provokim, por sinqerisht ajo që unë kam njohur si Bashkimi Europian, në marrëdhënie me ne, nuk është një trup që mendon strategjikisht, por dhe që arrin të mendojë strategjikisht, është një trup i brishtë. Procesi i anëtarësimit është një proces i bazuar shumë pak në strategji sesa një proces teknik, që gjithmonë është i kushtëzuar nga zgjedhjet, këtu, atje, aty, pra bëhet gjithçka taktike”.

“Nuk kam parë kurrë një skuadër të madhe të fitojë pa një strategji dhe lojë skuadre, ku të jgithë ndihmojnë njëri tjetrin. Prandaj kur po flisja me një gazetë sportive thashë që “Europa duhet të imitojë Milanin e Sakit, të gjithë duke sulmuar dhe të gjithë duke u mbrojtur, jo Galaktikët që nuk fituan asgjë në fund sepse ishin yjet që donin topin për vete dhe ishin të tjerët që nuk mund të shërbenin mjaftueshëm”. – theksoi Rama.

Pyetjes se kur Shqipëria shpreson të hyjë në BE, Rama iu përgjigj se “e them shpesh ne nuk i bëjmë detyrat e shtëpisë sepse na i kërkojnë në Berlin, Bruksel , Paris apo kudo qoftë. Ne e bëjmë për veten tonë sepse është një detyrë shumë e rëndësishme për të modernizuar strukturat e vendit për të ndërtuar institucione moderne dhe demokratike. Pastaj është edhe pak mallkimi i Ballkanit, kur Europa ishte në formë ne ishim djemtë e këqinj të kontinentit. Ku ne u bëmë djemë të mirë ata nuk janë më në formë , tani të dyja gjërat duhet të sinkonizohen”.

Sondazh

Article Logic
Execution time: 0.011436939239502
array(1) { ["section"]=> string(102) "rama-per-gazeten-italiane-ndihma-per-italine-ne-emer-te-nene-terezes-dhe-gjyshes-sime-veronikes-200971" }