Rama përplaset me Mynyr Konin: Bukën e gojën ua zgjidhëm! Rektori: Unë s’vuaj për bukë (SHERRI PËR BRAVËN)

Publikuar tek: aktualitet, më 12:23 14-02-2018 Rama përplaset me Mynyr Konin: Bukën e gojën ua zgjidhëm! Rektori: Unë s’vuaj për bukë (SHERRI PËR BRAVËN)

Kryeministri Edi Rama ndodhet në Universitetin e Tiranës aty ku është duke zhvilluar një debat të hapur me pedagogë e përfaqësues të Universitetit.

Rama është përplasur edhe me rektorin, Mynyr Koni. Ndërsa kryeministri i kaloi mikrofonin iu drejtua rektorit me fjalët:

“Urdhëro merre fjalën e më trego çfarë keni me qeverinë se bukën e gojës ta zgjidhëm”. Kryeministri iu referua kështu pagës së pamarrë të shkurtit që vendosi të kreditojë ministria e Arsimit ditën e djeshme..

“Nuk e di kush ua ka thënë këtë por unë nuk vuaj për bukën e gojës”, iu përgjigj Koni ndërsa argumentoi disa prej problemeve në Universitet..

Mynyr Koni: Jam ndodhur në një situatë bllokuese. Bazuar në ligj jam drejtuar zyrtarisht, asnjëherë nuk janë plotësuar kërkesat për nevojat e momentit, javën e ardhshme ne fillojmë promovimin e programit te maturantët, më ka ardh përgjigja s’kam mundësi, realizoje me mundësitë e tua. Çështjen e punonjësve të rektoratit... Për këtë i jam drejtuar edhe bordit, nuk kam marrë zgjedhjen e duhur. Veprimtaria financiare është e qartë ...

Rama: Tani, ndërrim bravash unë kisha dëgjuar në federatën e mundjes paska ndodh edhe në universitet... kush e ka zgjedh bordin? Senati. Varet nga senati se keni shumicën, se po të ishte ndryshe, si në universitetet e tjera ku nuk ka probleme të tilla, atëhere do thoshim pyesim shumicën si është puna. Shumicën e kieni ju.

Koni: Senati ka autonomi.

Rama: Një minutë, e kuptoj janë autonomë por s’janë shtet më vete. Senati, ka të drejtën t’i thërrasë e t’i dëgjojë. Parlamenti ka të drejtën të thërrasë e të dëgjojë këdo.

Koni: Po senati është i ndarë.

Rama: Këto janë çështje të demokracisë i dashur profesor, shyqyr që është i ndarë senati. Ku hyn qeveria te brava? Këto janë punë senati...

Sondazh

Më shumë në këtë kategori: « Nis zbatimi i PAMECA V: Asistencë policisë, ministrisë së Brendshme e Prokurorisë (JA KUSH MERR PJESË- DETAJET)
Flamuri, metamorfoza shqiptare në 100 vjet »
Article Logic
Execution time: 0.011744022369385
array(1) { ["section"]=> string(108) "rama-perplaset-me-mynyr-konin-buken-e-gojen-ua-zgjidhem-rektori-une-s-vuaj-per-buke-sherri-per-braven-110221" }