Rama reflekton dhe kërkon falje: Po të kthehesha pas nuk do ju komentoja në facebook, ndjesë nëse ju kam lënduar...

Publikuar tek: politike, më 21:25 27-05-2020 Rama reflekton dhe kërkon falje: Po të kthehesha pas nuk do ju komentoja në facebook, ndjesë nëse ju kam lënduar...

Kryeministri Edi Rama ka bërë sot në mbrëmje komunikimin e fundit përsa i përket njoftimeve në lidhje me koronavirusin.

Në fjalën e tij drejtuar qytetarëve, Rama ka bërë një 'mea culpa', duke i kërkuar ndjesë të gjithë komentuesve që kanë lënë një shënim në faqen e tij në facebook.

Kreu i qeverisë i kërkoi falje të gjithë atyre që direkt apo indirekt, janë lënduar apo mërzitur nga përgjigjet e tij nëpër komente.

"Mirënjohje pafund dhe një borxh ndaj mjekëve dhe infermierëve. Edhe pse nuk e shlyejmë dot detyrimin njerëzor e qytetar, do të bëjmë çmos. Më vjen mirë që kjo kohë që tronditi botën, që ky armik mbylli brenda tërë popujt e botës, nuk na gjeti me spitale të vetëm pak viteve më parë. Me pavione pa ilaçe, pa sisteme ngrohje, pa çarçafë e batanije, e pa një banjo të vetme pa rrjedhje ujërash të bardha e të zeza e të verdha. Nuk na gjeti as pa respiratorët aq të kërkuar në mbarë botën. Akuzat e pabaza të opoziës ashtu si tymërat e makinave i mori era. E rëndësishme pas gjithë kësaj është rezultati, bilanci. Dhe broçkulat e atyre që shpifin nuk e zhbëjnë dot. Asnjë qeveri nuk është e përsosur, që kur ka lindur shteti, s'mund të shmangim dot vendime të diskutueshme e të gabuara, e jo më kritika për qasjen ndaj ndonjë problemi. Sidomos në kushte si këto. Në këtë rast nuk e kam të plotë analizën që i bëj vetes dhe punës sime, ende nuk e kemi bërë as analizën e skuadrës. Mirëpo dua të them, se nëse do të kthehesha mbrapsh nuk do t'i ktheja përgjigje asnjë komentuesi që më shan dhe ofendon në facebook. Unë nuk do ta bëja dot këtë punë pa pasion dhe pa gjak kur i thonë. I mbroj të vërtetat e mia. Ajo që di unë me siguri, është se nuk vras, nuk vjedh, nuk shantazhoj, nuk shpif, nuk fle para të tjerëve, nuk zgjohem pas të tjerëve. Unë nuk punoj për të jetuar, por jetoj për të punuar. Nuk jam, por dhe s'dua të jem politikani perfeksionist, që ka një fytyrë kur ndizen kamerat dhe një tjetër fytyrë kur fiken kamerat. Duke e vënë re se shumëkujt prej jush, përgjigjet që i jap atyre që më hidhen në fyt, i duken ironi dhe arrogancë, ndihem me faj dhe po ju kërkoj ndjesë. Pavarësisht se jam nisur me qëllim të mirë për t'i sqaruar me anë të facebook-ut. I kërkoj ndjesë, kujdo që direkt dhe indirekt mund ta kem lënduar me përgjigjet e mia", tha Rama.

Sondazh

Article Logic
Execution time: 0.010504961013794
array(1) { ["section"]=> string(117) "rama-reflekton-dhe-kerkon-falje-po-te-kthehesha-pas-nuk-do-ju-komentoja-ne-facebook-ndjese-nese-ju-kam-lenduar-208056" }