Reforma në Drejtësi, Soreca tjetër mesazh Metës: Po zbatohet në përputhshmëri të plotë me Kushtetutën

Publikuar tek: politike, më 10:26 24-05-2019 Reforma në Drejtësi, Soreca tjetër mesazh Metës: Po zbatohet në përputhshmëri të plotë me Kushtetutën

Ambasadori i BE në Tiranë, Luigi Soreca ka folur sot sërsih për reformën në Drejtësi. Ambasadori është i pranishëm në aktivitetin e shoqërisë civile lidhur me reformat.

Ndërkohë, gjatë fjalës së tij, ndonëse jo direkt Soreca i dha një tjetër mesazh kreut të shtetit Ilir Meta, i cili deklaroi se reforma ka dështuar.

Ambasadori u shpreh se reforma në drejtësi është mbështetur nga shqiptarët dhe ka rezultuar e suksesshme, pasi po zbatohet në përputhshmëri të plotë me Kushtetutën dhe legjislacionin.

"Reforma e drejtësisë është zbatuar në përputhshmëri të plotë me Kushtetutën dhe legjislacionin, reforma po ecën përpara dhe është e pakthyeshme, të gjitha institucionet shqiptare duhet ta mbështesin atë. KE do të publikojë pas pak ditësh raportin e progresit, do të shikojmë atë që është bërë dhe atë që duhet bërë', u shpreh mes të tjerësh Soreca.

Pjesë nga fjala e ambasadorit:

Kjo reformë ka bërë një ndryshim të madh për sistemin e drejtësisë. Mesazhi im kyç sot është që t'u inkurajoj që të jeni pjesë aktive e sistemit të drejtësisë, është i juaji dhe përgjegjësia juaj për ta përforcuar. Dje në rastin e përvjetorit të vdekjes së Falcone-s citova një mesazh të të tij 'një botë më e mirë nuk është thjeshtë ëndërr, por përgjegjësia e të gjithë neve'. BE-ja është partneri juaj kryesor dhe si BE bëjmë të pamundurën që të keni të gjitha burimet e mjaftueshme financiare. Ne do të vijojmë që të japin mbështetjen tonë si partneritet në sistemin e drejtësisë. Kjo do të jetë një fushë kyce për mbështetjen tonë duke  menduar krerët 23 dhe 24 për integrimin. Shoqëria Civile është pjesë kyce e imunitetit të trupës gjyqësore. Sistemi do të duhet që të mbrohet, kjo punë na përket të gjithëve ne.

Çdo qytetar të refuzojë që të japë apo marrë ryshfet. Shumica e shqiptarëve janë për reformën dhe duan të shihin rezultatet. Është arritur një përparim i madh përsa i përket integritetit si në vlerësimin e prokurorëve dhe gjyqtarëve. Reforma e drejtësisë është zbatuar në përputhshmëri të plotë me Kushtetutën dhe legjislacionin, reforma po ecën përpara dhe është e pakthyeshme, të gjitha institucionet shqiptare duhet ta mbështesin atë.

KE do të publikojë pas pak ditësh raportin e progresit, do të shikojmë atë që është bërë dhe atë që duhet bërë. Do të shikojmë edhe tranzicionin. Ne nuk duhet të harrojmë cmimin dhe koston që paguhet dhe do të kishim paguar pa këtë reformë. Reforma në drejtësi dhe integrimi është përparësi për cdo politikan, arsyeja për t'u bashkuar dhe jo për t'u ndarë" tha ambasadori i BE-së.

Sondazh

Article Logic
Execution time: 0.033907175064087
array(1) { ["section"]=> string(106) "reforma-ne-drejtesi-soreca-tjeter-mesazh-metes-po-zbatohet-ne-perputhshmeri-te-plote-me-kushtetuten-165521" }