Rikthehen në Rinas 173 shtetas shqiptarë, kishin aplikuar për azil në Francë dhe Belgjikë

Publikuar tek: aktualitet, më 19:48 10-12-2019 Rikthehen në Rinas 173 shtetas shqiptarë, kishin aplikuar për azil në Francë dhe Belgjikë

173 shtetas janë rikthyer ditën e sotme në Shqipëri pasi kishin kërkuar azil në Francë dhe shtet të tjetra të zonës Schengen.

Policia e Shtetit njofton se vetëm sot janë kryer dy operacione riatdhesimi 173 shtetas shqiptarë, përkatësisht 38 shtetas në operacionin e parë, 5 nga Belgjika dhe 33 nga Franca. Ndërkohë, në operacionin e dytë janë kthyer vullnetarisht në total 135 shtetas, të nisur nga Lyoni i Francës.

Policia e Shtetit apelon të gjithë ata shtetas që udhëtojnë në hapësirën Schengen që të mos bëjnë asnjë përpjekje për të aplikuar për azil në Francë apo në çdo shtet tjetër të BE-së dhe të mos bëjnë asnjë shpenzim duke paguar ata që duan të përfitojnë duke i mashtruar se do t'u sigurojnë azil, pasi rezultati në të dyja rastet do të jetë negativ.  Shqipëria është një vend i sigurt dhe shanset për të marrë azil janë zero.

NJOFTIMI I PLOTË:

Rinas

Vijojnë operacionet e riatdhesimit dhe të kthimit vullnetar të shtetasve shqiptarë që kanë kërkuar azil në vendet e BE-së.

Sot në Rinas u riatdhesuan në dy operacione të ndryshme 173 shtetas shqiptarë, me qëndrim të paligjshëm në Francë dhe në zonën Schengen.

Operacionet e riatdhesimit u realizuan në bashkëpunim me Frontex-in dhe Zyrën Franceze për Emigracionin (O.F.I.I.).

Në operacionin e parë u riatdhesuan 38 shtetas gjithsej, 5 prej të cilëve nga Belgjika dhe 33 nga Franca.

Në operacionin e dytë, që nis nga Lyoni i Francës, u kthyen vullnetarisht në total 135 shtetas.

Policia e Shtetit apelon edhe një herë për të gjithë ata shtetas që udhëtojnë në hapësirën Schengen që të mos bëjnë asnjë përpjekje për të aplikuar për azil në Francë apo në çdo shtet tjetër të BE-së dhe të mos bëjnë asnjë shpenzim duke paguar ata që duan të përfitojnë duke i mashtruar se do t'u sigurojnë azil, pasi rezultati në të dyja rastet do të jetë negativ.

Shqipëria është një vend i sigurt dhe shanset për të marrë azil janë zero.

Sondazh

Article Logic
Execution time: 0.0075240135192871
array(1) { ["section"]=> string(95) "rikthehen-ne-rinas-173-shtetas-shqiptare-kishin-aplikuar-per-azil-ne-france-dhe-belgjike-189012" }