RRËFIMI TRONDITËS/ U hodh në rrugë një agjent i Infiltruar, kush është GJERGJI, agjenti që ka prishur pazaret e trafikantëve dhe pret që ta vrasin e ta shpallin dëshmor

Publikuar tek: aktualitet, më 19:22 17-07-2019 RRËFIMI TRONDITËS/ U hodh në rrugë një agjent i Infiltruar, kush është GJERGJI, agjenti që ka prishur pazaret e trafikantëve dhe pret që ta vrasin e ta shpallin dëshmor

Nga Anila Hoxha

“Do më vrasin, do më vrasin si Artan Cukun. Kam blerë një armë për të cilën jam pajisur me leje, kushdo që të vijë për të më vrarë, njërin prej tyre do ta marr me vete”. Ky është parashikimi i zymtë i Gjergjit, njërit prej agjentëve të infiltruar, një ndër më të mirët që ka patur Policia e Shtetit. Gjergji, të cilin mjaft trafikantë droge e njohin me emrin tjeter sic autoritetet e kishin pajisur me dokumente, pret ditën se kur do ta zbulojnë. Nga 11 vite në polici, shumicën e tyre e kaloi si agjent undercover, ose agjent i mbuluar. Dhjetra aksione në të cilat ai u shtir si trafikant droge për llogari të drejtësisë në mënyrë që të zbulonte ngarkesa që me pas janë sekuestruar, kriminelë që me pas janë arrestuar.

“Më dhanë identitetin tjetër, operoja nën atë identitet te dyte, për mos ta harruar mora emrin e shokut të fëmijërisë. Jam ulur në një tavolinë me trafikantë të dëgjuar, kam ngrënë bukë në shtëpinë e tyre. Kur isha I inflitruar sillesha si ata, bëja si I fortë, vishesha shtrenjtë si ata, mbaja makina të shtrenjta.. , është e vështirë të ta shpjegoj. Kisha një parim, të mos isha asnjëherë agjent provokator dhe gjithmonë e kam larguar nga rreziku informatorin . Kur vinte casti për të blerë ngarkesat, përherë me vendoseshin në dispozicion shumë vlera monetare të cilat ishin të sigluara dhe në funksion të aksionit”.

Por pavarësisht kontributit, Gjergji është larguar nga detyra me argumentin më paradoksal. “Për shkurtim të funksionit organik”. Është 33 vjec dhe ka dalë në reform, pasi kishin luajtur ping pong me të, nga undercover njëri nga shefat e hodhi polic objektesh, pastaj e kthyen sërisht tekj hetimi I grabitjeve të dhunshme, pastaj patrullë , pastaj under cover dhe se fundmi ne Kombinat. Për të qarë e për të ulëritur. Një agjent under cover. Një agjent i lindur për të qënë i tillë. U spikat që në akademi nga të huajt, mes të cilëve atë dhe disa si ai I trajnuan anglezë e gjermanë se si undercover shqiptar të fuste trafikantët në kurthin e ligjit. Mes tyre Alan Ëatson, Sean Mcgoëan dhe Roderik Mckenzie.

E crëndësi ka e gjitha kjo. Gjergji, vetëm 33 vjeç ka dalë në reformë,pasi e hodhën degë më degë e cep më cep. Por as kjo ska rëndësi. Të paktën askujt që duhet të shqetësohej nuk shqetësohet.

Ajo që ka rëndësi është se Gjergji thotë që po pret ta vrasin. Ashtu si Tan Cuku që pastaj e shpallën dëshmor më pas. Të gjithë ne e dinim që Tani ishte mjaft i kujdesshëm pasi e hodhën në rrugë, por të gjithë pritëm si sehirxhinj deri sa ta vrisnin.

Telendisja e Gjergjit sa në policinë e objekteve dhe të Kombinatit nisi menjëherë sapo goditi një trafikant heroine, ndërsa më pas ulje ngjitjet i pati pjesë të punës dhe përditshmërisë edhe për shkak të temperamentit të tij por edhe një konflikti në të cilin ai mbeti i plagosur. Pa diskutim që në ditë të tilla pati lavdine e tij si agjent i mbuluar ku pas cdo aksioni ai shikonte rezultatet nga kendi i një të panjohuri. Gjergji këmbendul se polic nuk të bën rroba. Dhe ka të drejtë. Për tu bërë një polic i tillë si ata që kemi parë në filma, Gjergji i doli së pari kundër familjes së tij, familje mjekësh. I ati, një doktor e dërgoi djalin e vetëm në Itali, ku Gjergji përfundoi L. Cl.Përkundër pritshmërive Gjergji ja tha troç familjes endrrën dhe ambicien e tij.

"Enderra ime ka 5 pesë gërma… POLIC "

Ai është zotërues i 3 gjuhëve anglisht, greqisht dhe italisht. U diplomua shkelqyeshëm. Por kjo s’ka rëndësi.

Ai ishte një agjent undercover. Ai ishte një polic i mirë. As kjo s’ka rëndësi.

Ai mund të zgjidhte një të ardhme të sigurtë, ai mund të jetonte kudo. Por kjo ska rëndësi….

Gjergji parashikon se do ta vrasin. Dhe për këtë ka marrë një armë me leje. Se shteti që i shërbeu e ka hedhur lakuriq në duar të kriminelëve që po e kërkojnë. Kjo ka rendesi

67241335_2442631042466344_7175574962047025152_n.jpg

67066785_730697697387299_4603403886961623040_n.jpg

 

 

Sondazh

Article Logic
Execution time: 0.012404918670654
array(1) { ["section"]=> string(172) "rrefimi-trondites-u-hodh-ne-rruge-nje-agjent-i-infiltruar-kush-eshte-gjergji-agjenti-qe-ka-prishur-pazaret-e-trafikanteve-dhe-pret-qe-ta-vrasin-e-ta-shpallin-deshmor-172532" }