Ruçi 'përplaset' me Ramën, kërkesë kryeparlamentarëve të vendeve mike: Na ndihmoni, nuk kemi burime të përballojmë situatën

Publikuar tek: aktualitet, më 12:01 10-12-2019 Ruçi 'përplaset' me Ramën, kërkesë kryeparlamentarëve të vendeve mike: Na ndihmoni, nuk kemi burime të përballojmë situatën Edi Rama-Gramoz Ruçi

Kryetari i Kuvendit të Shqipërisë, Gramoz Ruçi u ka dërguar një letër kryetarëve të parlamenteve të vendeve mike, të cilëve u kërkon ndihmë monetare që Shqipëria të kalojë periudhën e vështirë pas tragjedisë së 26 nëntorit.

'Burimet tona janë të pamjaftueshme, na jepni mbështetjen dhe kontributin tuaj edhe në këtë fazë rindërtimi', shkruan ndër të tjera Ruçi, në letrën dërguar kryeparlamentarëve të vendeve mike me Shqipërinë.

Kjo kërkesë e Ruçit vjen pas një deklaratë të kryeministrit Rama, i cili në përgjigje të opozitës bëri me dije se qeveria ka kapacitetin dhe burimet e duhura për të përballuar gjendjen dramatike ku ndodhet vendi, edhe pa kërkuar kokërr leku nga bota.

Letra e plotë e Gramoz Ruçit:

Kryetari i Kuvendit, z. Gramoz Ruçi, u drejton letra kryetarëve të parlamenteve për të kontribuar për rindërtimin pas tërmetit: Mbështetjen tuaj nuk do ta harrojmë kurrë!

Kryetari i Kuvendit, z. Gramoz Ruçi, u është drejtuar me një letër kryetarëve të parlamenteve të vendeve të Bashkimit Europian, ShBA, vendeve të rajonit si edhe vendeve të tjera mike e partnere të Shqipërisë.

Kryetari i Kuvendit i falenderon homologët mbi kontributin që kanë dhënë vendet e tyre në përballimin e fazës së emergjencës për familjet e prekura dhe i informon mbi masat e Qeverisë për zgjidhjen afatgjatë të problemeve të strehimit dhe pasojave të tjera të shkaktuara nga tërmeti i 26 nëntorit.

 “Mbështetja e ndihma që keni dhënë e po jepni  në shpëtimin e jetëve njerëzore do të mbetet gjatë në kujtesën e të gjithë shqiptarëve. Megjithë përpjekjet intensive të Qeverisë, institucioneve, ekspertëve, sipërmarrjeve private, shoqërisë civile dhe gjithë qytetarëve shqiptarë, të mbështetur edhe nga organizata, sipërmarrje dhe qeveri të mjaft vendeve mike, të cilët po tregojnë një solidaritet dhe humanizëm të pashoq, burimet dhe kapacitetet tona në përballimin e pasojave të kësaj fatkeqësie natyrore janë të kufizuara dhe të pamjaftueshme. Prandaj ne po mobilizohemi për të fituar sa më shumë mbështetje ndërkombëtare për të rikuperuar sa më shpejt që të jetë e mundur pasojat e rënda të kësaj tragjedie. Duke Ju shprehur mirënjohjen e thellë timen, të Kuvendit të Shqipërisë dhe të gjithë qytetarëve shqiptarë, do të vlerësoja shumë nëse do të ishte e mundur që ky kontribut të vazhdojë me burime financiare e burime të tjera edhe në fazën e ndërtimit të banesave për të prekurit nga pasojat e tërmetit shkatërrimtar. Ju falenderoj edhe njëherë nga zemra për ndihmën ndaj vendit tim në këtë kohë të vështirë. Këtë mbështetje nuk do ta harrojmë kurrë.”, shkruan në letrën e tij Kryetari i Kuvendit, z. Gramoz Ruçi.

Sondazh

Article Logic
Execution time: 0.03128719329834
array(1) { ["section"]=> string(125) "ruci-perplaset-me-ramen-kerkese-kryeparlamentareve-te-vendeve-mike-na-ndihmoni-nuk-kemi-burime-te-perballojme-situaten-188962" }