Ruçi pret në takim Hotin: Të vazhdojë dialogu me Serbinë, në koordinim me partnerët strategjikë, SHBA dhe BE

Publikuar tek: politike, më 15:26 03-07-2020 Ruçi pret në takim Hotin: Të vazhdojë dialogu me Serbinë, në koordinim me partnerët strategjikë, SHBA dhe BE Hoti dhe Ruci

Kreu i Kuvendit, Gramoz Ruçi sot ka pritur në takim kryeministrin e Kosovës, Avdullah Hoti dhe delegacionin qeveritar, i cili po zhvillon vizitën e parë zyrtare në Shqipëri.

Gjatë takimit ndër të tjera, Ruçi i ka shprehur Hotit mbështetjen e Shqipërisë për dialogun me Serbinë të ndërmjetësuar nga BE.

"z.Avdullah Hoti: Kryetari i Kuvendit, z. Gramoz Ruçi, priti sot Kryeministrin e Republikës së Kosovës, z.Avdullah Hoti, dhe delegacionin qeveritar, i cili po zhvillon një vizitë zyrtare në Shqipëri.
Marrëdhëniet dypalëshe midis Shqipërisë dhe Kosovës janë vëllazërore dhe të shkëlqyera. Bashkëpunimi midis dy vendeve është strategjik, stabilizues për rajonin dhe orientues për perspektivën euro-atlantike. Shqipëria po konkretizon partneritetin strategjik e gjithëpërfshirës me Kosovën, duke e bërë atë një model dhe inkurajim për bashkëpunimin rajonal.

Kryetari i Kuvendit, z. Gramoz Ruçi, vlerësoi programin e ri të Qeverisë së Kosovës dhe nënvizoi nevojën e marrjes së përgjegjësive për të çuar përpara procesin e dialogut me Serbinë, në koordinim me partnerët strategjikë të Kosovës, Bashkimin Evropian dhe Shtetet e Bashkuara të Amerikës, duke hequr kështu çdo pengesë për rinisur dialogun Kosovë – Serbi. “Shqipëria mbështet fuqishëm Dialogun Kosovë-Serbi, të ndërmjetësuar nga BE-ja. Rezultati përfundimtar duhet të jetë një Marrëveshje e detyrueshme ligjore, që mundëson njohjen e ndërsjellët mes dy vendeve, anëtarësimin e Kosovës në OKB dhe BE, si dhe trajtim të drejtë të minoriteteve, në përputhje me Kushtetutën e Kosovës.

Është shumë i rëndësishëm arritja e një konsensusi të brendshëm përsa i takon qëndrimit ndaj Dialogut. Mendojmë se procesi duhet të jetë gjithëpërfshirës, në funksion të forcimit të pozitave negociuese të Kosovës me Bashkimin Europian. Duhet të kemi e të tregojmë besim ndaj partnerëve strategjikë, Shteteve të Bashkuara të Amerikës dhe Bashkimit Europian.”, theksoi z. Gramoz Ruçi.
Kryeministri Avdullah Hoti, duke falenderuar Kryetarin e Kuvendit për pritjen e ngrohtë dhe vëllazërore, vuri në dukje se “Qeveria e Kosovës do të thellojë e zgjerojë bashkëpunimin me Shqipërinë, duke synuar konkretizimin e marrëveshjeve të nënshkruara midis të dy qeverive. Koha kërkon prej nesh qëndrime të matura e me qetësi, prandaj ne do të vazhdojmë dialogun me Serbinë dhe po përgatitemi seriozisht për Samitin e Parisit", thuhet në njoftimin e Kuvendit.

Sondazh

Article Logic
Execution time: 0.0096869468688965
array(1) { ["section"]=> string(112) "ruci-pret-ne-takim-hotin-te-vazhdoje-dialogu-me-serbine-ne-koordinim-me-partneret-strategjike-shba-dhe-be-212709" }