Në protestën e rradhës së aktorëve kundër shembjes së Teatrit Kombëtar, aktori i mirënjohur i skenës shqiptare Robert Ndrenika është shprehur se kësaj çështje i vjen era hajdutëri.
Ndrenika shtoi se dikush i ka thënë se as ndërkombëtarët nuk janë dakort me skemën e Partneritetit Publik Privat (PPP), ndërsa i ka bërë thirrje kryeministrit t’i lërë aty.
“Më tha dikush që edhe ndërkombëtarët nuk janë dakort me këtë partneritetin privat, ça të them, të na lënë prapë. Kiço Londo këtu ka gjetur dy ushtallarë nga Maqellara dhe e kanë mbajtur shumë mirë, prandaj këtu vjen era kusari, era hajdutllëk”, tha Ndrenika.
