Sot, Partizani luan në transfertë kundër Skënderbeut. Në këtë ndeshje kanë udhëtuar për të mbështetur skuadrën edhe tifozët e kuq, “Ultras-Guerrils”.
Por, tashmë bëhet e ditur që mbështetësit e Partizanit janë përplasur me ultrasit korçare. Për newsport.al raportohet që ngjarja ka ndodhur në momentin kur po tërhiqeshin biletat nga tifozeria e Guerrilsave.
Kanë qenë tifozët e kuq që kanë provokuar duke sharë dhe gjuajtur me gurë në drejtim të tifozërisë korçare.
Është dashur ndërhyrja e policisë për të qetësuar gjakrat midis dy tifo-grupeve. Ndeshja mes Skënderbeut dhe Partizanit starton në orën 17:00.
