Shitet Bankers Petrolium, ja kush është kompania që e ka blerë

Publikuar tek: ekonomi, më 13:34 01-06-2016 Shitet Bankers Petrolium, ja kush është kompania që e ka blerë

Siç edhe ishte paralajmëruar, Bankers Petrolium njofton miratimin e shitjes nga aksionerët e tij.

Bankers Petroleum Ltd ka kënaqësinë të njoftojë se ka marrë miratimin e aksionerëve të Bankers për marrëveshjen e propozuar  me degën e Geo-Jade Petroleum Corporation.

Në bazë të marrëveshjes, Geo-Jade do të blejë të gjitha aksionet e emetuara dhe të përbashkëta të Bankers përmes degëve të saj me një çmim prej C $ 2.20 për aksion.

Marrëveshja u miratua nga 97% e votave të aksionerëve të pranishëm personalisht ose të përfaqësuar me prokurë në takimin e veçantë të aksionerëve që u mbajt dje.
Përfundimi i Marrëveshjes është subjekt i miratimeve rregullatore mbështetur në Aktin e Investimeve Kanada dhe Administratën Kineze Shtetërore të Këmbimit Valutor (SAFE). Bankers është informuar ndërkohë se Industry Canada që operon nën Aktin e Investimeve Kanada e ka zgjatur afatin për shqyrtimin e marrëveshjes deri më 27 qershor 2016. Për shkak të kësaj zgjatjeje, kompania tani parashikon mbylljen e marrëveshjes në fund të qershorit ose në fillim të korrikut.

Pas përfundimit me sukses të marrëveshjes aksionet Bankers do të çregjistrohen nga bursa e Torontos ("TSX") dhe nga Bursa AIM e Londrës.
Qarkorja informuese menaxheriale e Bankers, që daton më 19 prill 2016  e përgatitur për Marrëveshjen jep informacion të rëndësishëm rreth Bankers dhe marrëveshjes. Qarkorja është e disponueshme në Sedar dhe në faqen zyrtare të Bankers (ëëë.bankerspetroleum.com).

Sondazh

Article Logic
Execution time: 0.04128623008728
array(1) { ["section"]=> string(67) "shitet-bankers-petrolium-ja-kush-eshte-kompania-qe-e-ka-blere-42115" }