Shoqërohen në polici dy gazetarët e lajmit të rremë për tërmetin e madh (FOTO)

Publikuar tek: aktualitet, më 23:33 22-09-2019 Shoqërohen në polici dy gazetarët e lajmit të rremë për tërmetin e madh (FOTO) Foto ilustruese

Policia e Tiranës ka shoqëruar në polici dy gazetarë të portalit “Syri”, pas publikimit të një lajmi të rremë për një tërmet të madh, që shkaktoi panik te qytetarët në Tiranë, duke bërë që mijëra të vërshojnë në rrugë.

Policia njofton se pas publikimit të lajmit, janë shoqëruar dy gazetarët Aurel Rakipllari i “Syri” dhe Daniela Grica e “Shekullit”.

NJOFTIMI I POLICISË:

Menjëherë pas publikimit të një lajmi të rremë në portalin "SYRI.net" dhe më pas edhe në disa portale të tjera, se sipas parashikimeve të një sizmologu grek do ketë në orën 23.30 një tërmet të fuqishëm, lajm i cili shkaktoi panik të madh tek qytetarët të cilët braktisën banesat dhe dolën në rrugë, Shërbimet e Drejtorisë Vendore të Policisë Tiranë kanë shoqëruar në Polici gazetarin e portalit "SYRI.net", Aurel Rakipllari dhe gazetaren Daniela Grica e "Shekullit", për veprime të mëtejshme, të cilët kanë bërë publikimin e këtij lajmi të rremë, me pasoja paniku te qytetarët.

Policia e Shtetit ka ngritur nëj grup të posaçëm hetimor për të bërë të mundur zbardhjen e plotë të autorësisë së këtij lajmi dashakeq që krijojë frikë e panik tek qytetarët.

Policia e Shtetit ju bën thirrje qytetarëve që të ruajnë qetësinë dhe të mos bien pre e njoftimeve dashakeqe dhe siguron ata se cilido që  do përhapë njoftime të tilla do të përballet me forcën e ligjit.

Policia e Shtetit kërkon mirëkuptimin e medias që të tregohen më të kujdesshëm në njoftimet që shpërndajnë, duke kërkuar informacion zyrtar para publikimeve të lajme që krijojnë frikë e panik tek qytetarët.

vgdeghderhj4rj.jpg

Dy gazetarët e shoqëruar në polici, Aurel Rakipllari i “Syri” dhe Daniela Grica e “Shekullit”

Sondazh

Article Logic
Execution time: 0.02498197555542
array(1) { ["section"]=> string(83) "shoqerohen-ne-polici-dy-gazetaret-e-lajmit-te-rreme-per-termetin-e-madh-foto-179431" }