Shqipëria nis fushatën për anëtarësim në Këshillin e Sigurimit, Bushati nga Nju Jorku: Kërkojmë një vend jo të përhershëm

Publikuar tek: aktualitet, më 14:04 25-09-2018 Shqipëria nis fushatën për anëtarësim në Këshillin e Sigurimit, Bushati nga Nju Jorku: Kërkojmë një vend jo të përhershëm

Ministri i Punëve të Jashtme Ditmir Bushati ndodhet në Nju Jork në punimet e sesionit të 73-të të Asamblesë së Përgjithshme të OKBS-së  ku tema e këtij viti është “T’i vëmë Kombet e Bashkuara në shërbim të popujve, udhëheqje globale dhe ndarje përgjegjësish për shoqëri paqësore, të barabarta dhe të qëndrueshme.

Sipas Bushatit Shqipëria shpreson të bëhet anëtare jo e përhershme në Këshillin e Sigurimit të OKB-së.

Ministri bëri me dije se ka nisur fushata e komunikimit me vendet partnere për të përmbushur këtë objektiv të politikës së jashtme të Shqipërisë.

“Shqipëria vjen me ambicien e saj në këto punime, pasi po kërkon një vend jo-permanent për në Këshillin e Sigurimit për periudhën 2022-2023 dhe fushata jonë e komunikimit me partnerë e  vende të cilat e njohin Shqipërinë apo që dinë pak rreth Shqipërisë  sapo ka filluar, me qëllim që të përmbushim këtë objektiv të politikës tonë të jashtme”, nënvizoi Ministri Bushati.

Ministri tha se takimi mbahet në një moment shumë të rëndësishëm kur multilateralizimi dhe bashkëpunimi anë e mbanë botës janë vënë si rrallëherë në pikëpyetje.

Gjatë ditës së parë të qëndrimit në Nju Jork, Ministri Bushati disa takime bilaterale. Kështu ai u takua me homologun e tij turk, Mevlüt Çavuşoğlu, me të cilin u diskutua mbi marrëdhëniet dypalëshe politike, ekonomike dhe tregtare, mundësitë e mëtejshme të bashkëpunimit midis Shqipërisë dhe Turqisë, si dhe për çështjet rajonale dhe ndërkombëtare.

Ai u takua gjithashtu me homologen nga Ruanda, Luise Mushikiëabo, Ministrin e Jashtëm të Shtetit të Kuvajtit Sheikh Mohammed bin Abdulrahman bin Jassim Al-Thani, Ministrin e Jashtëm të Gambias  Mamadou Tangara, si dhe  Ministrin e  Punëve të Jashtme të Moldavisë Tudor Ulianovschi. Në këto takime u diskutua mbi bashkëpunimin në organizatat ndërkombëtare dhe mbështetja e ndërsjellë duke nënvizuar vullnetin dhe interesin për vazhdimin e këtij bashkëpunimi.

 

Personazhi i vitit 2019

Sondazh

Article Logic
Execution time: 0.018723964691162
array(1) { ["section"]=> string(126) "shqiperia-nis-fushaten-per-anetaresim-ne-keshillin-e-sigurimit-bushati-nga-nju-jorku-kerkojme-nje-vend-jo-te-perhershem-135563" }