Shqipëria pa armë: Shifrat e dorëzimit të armatimeve në 24 orë aksion (VIDEO)

Publikuar tek: aktualitet, më 15:05 10-02-2017

Gjatë 24 orëve të fundit janë dorëzuar në të gjitha qarqet 45 armë zjarri, 11.933 fishekë, 37 granata, 18 ndezësa, 2 predha kundër tank, 5 kapsolla detonatore, 2 mina, 8 kallëpe tritol si dhe 56 krehëra.

Paralelisht me dorëzimin vullnetar të armëve, nga Strukturat e Policisë së Shtetit vijojnë takimet sensibilizuese në të gjithë vendin. Takimet zhvillohen në të gjitha Njësitë Administrative, me të gjithë Kryetarët e fshatrave ku pjesë e këtyre takimeve janë bërë dhe nxënësit e shkollave të mesme, studentët si dhe stafet pedagogjike.

Gjithashtu prej disa ditësh në të gjithë vendin ka vijuar trokitja derë më derë nga Specialistët e Policisë së Zonave për të ndërgjegjësuar banorët për domosdoshmërinë e dorëzimit të armëve që mbajnë pa leje.

“Policia e Shtetit edhe një herë falenderon të gjithë ata banorë që po dorëzojnë armët vullnetarisht.

Në veçanti nxënësit dhe studentët që janë bërë pjesë e fushatave ndërgjegjësuese dhe sensibilizuese  si dhe pushtetin Vendor.

Policia e Shtetit edhe një herë iu bën thirrje banorëve që cilido që mban armë pa leje, ta dorëzojë atë brenda afatit të caktuar”, thuhet ndërkaq në deklaratën e policisë.

Sondazh

Më shumë në këtë kategori: « Arrestohet në Tiranë i kërkuari ndërkombëtarisht (EMRI dhe DETAJET)
Sondazhi i Amerikanëve: Tahiri me Policinë e Shtetit sfidojnë institucionet e tjera (SHIFRA E BESUESHMËRISË NGA PUBLIKU) »
Article Logic
Execution time: 0.010832071304321
array(1) { ["section"]=> string(80) "shqiperia-pa-arme-shifrat-e-dorezimit-te-armatimeve-ne-24-ore-aksion-video-68336" }