“Shteti t’i garantojë ndihmë qytetarëve”, Meta: Vështirë të gjesh një rajon në Shqipëri, pa probleme nga reshjet

Publikuar tek: aktualitet, më 13:04 26-01-2021 “Shteti t’i garantojë ndihmë qytetarëve”, Meta: Vështirë të gjesh një rajon në Shqipëri, pa probleme nga reshjet

Presidenti Ilir Meta është shprehur se sot nuk mund të gjesh një rajon në Shqëipëri që nuk ka problem nga reshjet e ditëve të fundit.

Me anë të një psotimi të gjatë në facebook, Meta shprehet se dhjetëra shtëpi, biznese dhe sipërfaqe të konsiderueshme toke, pronë private e publike, nga Veriu në Jug, janë gdhirë nën ujë.

Kreu i Shtetit thotë se edhe pse toka ndodhet nën ujë mungon ndihma e strukturave shtetërore për banorët.

Meta i bën thirrje Ministisë së Mbrojtjes, Ministrisë së Buqësisë që tu vijnë në ndihmë qytetarëve.

Postimi i plotë:

SHTETI T’I GARANTOJË NDIHMËN ÇDO QYTETARI NË ZONAT E PËRMBYTURA!

Vështirë të gjesh sot një rajon në Shqipëri, pa probleme nga reshjet e ditëve të fundit.

Dhjetëra shtëpi, biznese dhe sipërfaqe të konsiderueshme toke, pronë private e publike, nga Veriu në Jug, janë gdhirë nën ujë, por ndihma e strukturave shtetërore për banorët mungon.

Mbi 10 banesa në Shijak dhe mbi 70 në Sukth 2 e Vadardhë kanë prezencë uji deri në 30 cm.

E njëjta situatë rezulton në Berat ndërsa paralajmërohet një përkeqësim i mundshëm i gjendjes në Qarkun e Fierit dhe të Korçës.

Raportet paraprake flasin për mbi 1500 hektarë tokë të përmbytur në NënShkodër dhe nga shkarkimet e detyrueshme në hidrocentrale situata do të rëndohet.

Sipas IGJEUM priten prurje masive edhe nga Vjosa, që mund të dalë nga shtrati në pjesën fundore duke shkaktuar përmbytje.

Në këtë gjendje të rënduar, nevojitet urgjentisht angazhimi i të gjitha strukturave qendrore e vendore për minimizimin e pasojave në prona dhe shmangien e çdo rreziku për shëndetin dhe jetën e qytetarëve.

Strukturat operacionale të Mbrojtjes Civile, Grupet e Kërkim-Shpëtimit e Evakuimit dhe Shërbimet Zjarrfikëse duhet të jenë 24/24 orë në terren pranë qytetarëve në nevojë.

Ministria e Mbrojtjes dhe Rezervat e Shtetit, pa vonesë, duhet të përgatisin ndihmat ushqimore për familjet, që u janë përmbytur shtëpitë.

Ministria e Bujqësisë, menjëherë të dërgojë pranë banorëve në nevojë, bazën aq të nevojshme ushqimore dhe koncentratet për bagëtitë.

Ministrat përgjegjes për Mbrojtjen Civile të vendosin komunikimin konstant me strukturat vendore dhe publikun për parapërgatitje e reagim, për prioritetin absolut: sa më pak dëme në prona e bagëti dhe padiskutim mbrojtje të çdo jete njerëzore.

Të garantohet funksionimi me kapacitet të plotë i hidrovoreve dhe Autoriteti Rrugor Shqiptar të monitorojë situatën në të gjitha akset, ku ka potencial rrezikshmërie për rrëshqitjen e tokës, me qëllim shmangien e aksidenteve, si dhe të marrë masa urgjente për hapjen e çdo segmenti të bllokuar nga dëbora.

Të raportohet periodikisht për situatën dhe të vlerësohen me shumë seriozitet paralajmërimet e Institutit të Gjeoshkencës, Energjisë, Ujit dhe Mjedisit, si i vetmi organ, që meriton vlerësime për përmbushjen me përgjegjësi të detyrës

Sondazh

Më shumë në këtë kategori: « Iu bë atentat në Vlorë, kush është Marjon Mitro, pjesë e grupit të vrasësve me pagesë të Julian Sinanajt (FOTO)
Ambasadori i SHBA u 'mbyll gojën' politikanëve: Ushtarët amerikanë nuk kanë vdekur për të bërë Serbinë e Madhe e as Shqipërinë e Madhe »
Article Logic
Execution time: 0.012948989868164
array(1) { ["section"]=> string(114) "shteti-t-i-garantoje-ndihme-qytetareve-meta-veshtire-te-gjesh-nje-rajon-ne-shqiperi-pa-probleme-nga-reshjet-236456" }