Sinoptikanët japin ALARMIN në të gjithë vendin: Bëhuni gati për përmbytje, temperaturat deri në -10 gradë dhe bllokime rrugësh nga bora

Publikuar tek: aktualitet, më 11:45 25-02-2018 Sinoptikanët japin ALARMIN në të gjithë vendin: Bëhuni gati për përmbytje, temperaturat deri në -10 gradë dhe bllokime rrugësh nga bora

Këto ditë vendi ynë pritet me një situatë të vështirë metereologjike.

Reshjet intensive të shiut dhe të borës në zonat malore kanë tendencën për të rikthyer përmbytjet, kryesisht në jug të vendit dhe bllokimin e rrugëve për shkak të nivelit të lartë të borës.

Po ashtu, temperaturat pritet të zbresin deri në -10 gradë celcius në vendt malore.

RESHJET

Sot pasdite (e diel, dt.25) dhe nesër (e hënë, dt.26) në shumicën e qarqeve priten reshje mesatare, ndërsa në Vlorë dhe Gjirokastër intensive (siç tregohet në tabelë, respektivisht për secilin qark).

Pritet prania e reshjeve të dendura në formë dëbore, kryesisht në zonat malore, por edhe në ultësirat fushore deri në afërsi të bregdetit, me një shtrirje kohore nga dita e hënë deri në fillim të ditës së mërkurë.

Reshjet e dëborës në kuota të ulëta mund të sjellin problematika të ndryshme (deri në bllokime) të transportit rrugor. Kjo është pasojë e uljes së ndjeshme të temperaturave, duke bërë që gjatë netëve i gjithë territori të jetë me temperatura negative.

TEMPERATURAT

Nesër (e hënë, dt.26) temperaturat minimale dhe maksimale të ajrit pritet të arrijnë:

në bregdet: +1 / 10; në vendet e ulëta: 0 / 8 ; në vendet malore: - 10 / 0 °C.

ERA: sot pasdite (e diel, dt.25) dhe nesër (e hënë, dt.26) era pritet të fryjë e lehtë deri mesatare, ndërsa në Veri dhe në bregdet deri e fortë.

RREZIKU NGA PËRMBYTJET

Nga llogaritjet hidrologjike të IGJEUM, rezulton se lumenjtë e mëdhenj, në të gjithë territorin do të kenë tendencë për rritje të prurjeve dhe niveleve përgjatë ditëve në vazhdim. Rritja më e ndjeshme do të vërehet në lumenjtë e vegjël jugorë (qarqet Vlorë dhe Fier) përgjatë datave 26 dhe 27 Shkurt. Në këto dy qarqe mund të ketë edhe probleme të vogla nga përmbytjet urbane, në varësi të gjendjes së kanalizimeve.

Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.

Sondazh

Më shumë në këtë kategori: « Robinjo përdhunoi 22-vjeçaren shqiptare, Gjykata: Para abuzimit seksual është…
Borë dhe ngricë, ja pamjet e para nga qyteti i Shkodrës (VIDEO) »
Article Logic
Execution time: 0.010164022445679
array(1) { ["section"]=> string(139) "sinoptikanet-japin-alarmin-ne-te-gjithe-vendin-behuni-gati-per-permbytje-temperaturat-deri-ne-10-grade-dhe-bllokime-rrugesh-nga-bora-111401" }