Skandal në gjendjen civile, 15 vjeçarin e bëjnë vajzë. Mjeku specialist: Eshtë djalë

Publikuar tek: aktualitet, më 19:23 27-03-2017 Skandal në gjendjen civile, 15 vjeçarin e bëjnë vajzë. Mjeku specialist: Eshtë djalë

Emisioni investigative “Fiks Fare” denoncoi sot veprimet e zyrës së gjendjes civile të Vlorës, të cilët kanë hedhur gabim në sistem gjeneralitetet e një 15 vjeçari, duke e khyer nga djalë në vajzë.

Still0327_00020.jpg

Fiks Fare tregoi sot sesi ndryshoi gjinia e 15 vjeçarit haps pas hapi.

Problemin e ngriti mamaja e djalin, zonja Vjollca Kanaj, e cila tregoi  gabimin që i është bërë në çertifikatën personale të të birit nga Zyrën e Gjendjes Civile të Vlorës, të cilët e kanë shënuar me emër femre, nga Luçjano në Luçjana.

Duket e çuditshme të ketë ndodhur një gjë e tillë por në Gjendjen Civile nr.5 të Vlorës, punonjësja tha se është bërë një gabim njerëzor kur është hedhur emri në sistem por ajo nuk mund ta rregulloj këtë gjë dhe na drejton për Arkivën e Gjendjeve Civile të Qarkut.

Për t'u siguruar plotësisht se nuk kemi të bëjmë me një "shaka apo gabim" gazetari i Fiks fare shkoi me  fëmijën pranë një mjeke pediatre në lagjen ku ai banonte,  e cila vërtetoi se fëmija i përkiste seksit mashkull.

Pavarësisht se gëzimi i familjarëve ishte i madh se fëmija doli i seksit mashkull, emrin në çertifikatë nuk  e ndryshon dot.

Pranë Zyrës së Gjendjes Civile të Qarkut  Fiks Fare mori një çerifikat (nga akti i lindjes), por këtu  ndodhi çudia tjetër, fëmija jo vetem që quhet Luçjana, por tashmë ishte dhe e seksit femër.

Still0327_00015.jpg

I vetmi burim që mund të siguronte 100% se fëmija ishte e seksit mashkull ishte  që të merrnim Certifikatën e Asistencës së Lindjes D-1 nga materiniteti i Vlorës. Ky dokument tregoi se zonja Vjollca në datën 22.11. 2002 ka lindur fëmijë të seksit mashkull.

Në Drejtorinë e Përgjithshme të Gjendjeve Civile, në sektorin juridik pranuan se vërtet ka patur një gabim në hedhjen e e të dhënave në regjistra, por dhe prindërit kanë patur gabim kur kanë firmosur në aktin e lindjes për gjeneralitetet e fëmijës.

Still0327_00014.jpg

Për të zgjidhur këtë problem, specialistja në drejtorinë e përgjithshme të gjendjes civile i adreson prindërit në gjykatë dhe për një korrigjim të vogël një qytetari i shkojnë shpenzimet jo më pak se 60 000 lekët të reja. Absurditet por e vërtetë.

Por pas shumë kërkimeve në ligj, drejtuesit e Drejtorisë së Përgjithshme të Gjendjeve Civile  gjetën se disa nene të ligjit Nr.10129, datë 11.05.2009 janë shfuqizuar  dhe në këtë mënyrë vetëm duke aplikuar pranë Gjendjes Civile të qytetit dhe me disa dokumenta plotësuese,  ky ngërç mund të rregullohet fare lehtë.

E deri sa të rregullohet e të korrigjohen regjistrat Luçjana do të presë të bëhet Luçjano.

Still0327_00018.jpg

Sondazh

Më shumë në këtë kategori: « Makina shpërthen në flakë brenda në servis, plagoset një person
Skandali: Tregjet dhe supermarketet të mbushura me mish Brazili (Video) »
Article Logic
Execution time: 0.011581897735596
array(1) { ["section"]=> string(87) "skandal-ne-gjendjen-civile-15-vjecarin-e-bejne-vajze-mjeku-specialist-eshte-djale-73304" }