Skandali në Austri, presidenti Van Der Bellen cakton datën e zgjedhjeve të parakohshme

Publikuar tek: bota, më 20:01 19-05-2019 Skandali në Austri, presidenti Van Der Bellen cakton datën e zgjedhjeve të parakohshme Presidenti austriak Alexander Van Der Bellen

Pas skandalit politik, kur zëvendëskancelari i Austrisë, Heinz Christian Strache përfshihej në një inçizim teksa i ofronte kontrata qeveritare një nënkontraktore ruse duke i kërkuar në këmbim donacione politike, kancelari Sebastian Kurz paralajmëroi dorëheqjen.

Presidenti i Austrisë, Alexander Van Der Bellen, pas këtij skandali ka thirrur zgjedhje të jashtëzakonshme në muajin shtator. Pas takimit me kancelarin Austriak, Sebastian Kurz, presidenti vendosi se zgjedhjet e parakohshme të mbahen në fillim të shtatorit.

Pas publikimit të video-skandalit ditën e djeshme, mijëra qytetarë u mblodhën para zyrës së kancelarit Kurz. Me pankarta në duar që shkruanin ‘Zgjedhjet e parakohshme tani’, qytetarët kërkuan edhe dorëheqjen e kancelarit.

Ky vendim erdhi disa orë pas dorëheqjes së Straches nga posti i zëvendëskancelarit, i cilie pranoi fajin duke thënë se sjellja e tij ishte “e papërgjegjshme” dhe se po jepte dorëheqjen në mënyrë që të shmangur dëmet e mëtejshme të qeverisë.

Dorëheqja e zëvendëskancelarit erdhi pas publikimit të një incizimi nga gazeta Der Spiegel, teksa në video shihet Heinz Christian Strache duke i ofruar kontrata qeveritare një gruaje që paraqitej si një investitore nga Rusia, dhe prezantohet si mbesa e një biznesmeni të njohur rus.

Kjo ngjarje kishte ndodhur më 2017 në Ibiza, disa muaj para zgjedhjeve parlamentare në Austri, ku Strache u emërua zëvendëskancelar.

Sondazh

Article Logic
Execution time: 0.0078740119934082
array(1) { ["section"]=> string(92) "skandali-ne-austri-presidenti-van-der-bellen-cakton-daten-e-zgjedhjeve-te-parakohshme-164899" }