Spektakël dritash, ja çfarë po ndodh te “Piramida” (Foto/Video)

Publikuar tek: aktualitet, më 19:10 20-01-2017 Spektakël dritash, ja çfarë po ndodh te “Piramida” (Foto/Video)

Piramida ose godina që u ndërtua si muzeu i ish-diktatorit do kthehet në një hapësirë funksionale për qytetarët dhe aktivitete e evente të natyrës artistike e kulturore. Bashkia e Tiranës ka diskutuar sot me arkitektë, artistë, studentë e teknicienë vizionin e saj për shndërrimin e Piramidës dhe zhvillimit të saj si një qendër kulturore. Pjesë i këtij takimi me sloganin “Piramida na ishte një herë, në të ardhmen” ishte edhe kryetari i Bashkisë së Tiranës, Erion Veliaj, i cili u shpreh se pas shkatërrimit të vazhdueshëm që iu bë këtij objekti, ka ardhur koha që të trajtohet si një mundësi tërheqëse, jo vetëm si një nga pikat më të vizituara dhe të fotografuara nga turistët, por edhe si një mundësi për të zhvilluar artin, kulturën dhe jetën e natës.

Sfdg3erg3gr3g3g.jpg

“Sot, kemi këtë trashëgimi, e ruajtur nga shkatërrimi dhe demolimi total, për një projekt që fatmirësisht nuk ndodhi kurrë dhe qyteti e shpëtoi këtë hapësirë publike dhe ajo që dua t’ju them sot është se angazhimi ynë publik si Bashki e Tiranës, tani që e kemi marrë në administrim është që t’ia kthejmë publikut. Nuk do jetë një projekt privat, nuk do të kemi një dhënie me koncension, nuk do kemi një investim privat sepse ne besojmë se duhet të ngelet një vepër autentike publike e qytetit të Tiranës dhe të atyre që do të duan ta mbushin me jetë”, tha kryetari i Bashkisë së Tiranës, Erion Veliaj. Kryetari i Bashkisë së Tiranës bëri të ditur se edhe për të arritur këtë qëllim, pra për ti dhënë kësaj godine jetë, do të zhvillohet një proces i gjatë diskutimesh me specialistë, arkitektë, urbanistë e historianë për mënyrën sesi duhet trajtuar kjo godinë për ti ruajtur asaj trashëgiminë historike por edhe për ta përshtatur me qëllimet që ka Bashkia e Tiranës.

rthy4t6h45y34hy.jpg

“Do të kemi një sërë panelesh të tilla që të konsultohemi për të ardhur në një konkluzion më të mirë për të ardhmen e këtij “xhevahiri”, që është ndoshta objekti më i fotografuar dhe më i lakuar i qytetit të Tiranës, një lloj kartoline për qytetin”, theksoi Veliaj. Ai ftoi arkitektët, urbanistët apo çdo individ që ka një ide të vlefshme për piramidën që ta ofrojë atë pranë Bashkisë së Tiranës, në mënyrë që ajo të vlerësohet në funksion të qëllimit për ta rigjallëruar funksionalitetin e saj.

“Dua të bëj një ftesë publike jo vetëm për ju që jeni këtu sepse besoj që secili ka diçka për të kontribuar dhe mund të bashkojmë disa ide ose disa praktika të mira të asaj nostalgjie që kemi, me disa ide të gjërave që pjesa më e re e panelit tonë mund t’i ketë parë në vende të tjera dhe mund t’i përdorim tek Piramida”, u shpreh Veliaj. Duke theksuar se Piramida do të jetë e hapur për publikun, kryebashkiaku prezantoi nismën më të re për “Kryetarin e Natës”, që do të merret me organizimin e aktiviteteve në orët e vona. Në këtë mënyrë, Tirana radhitet midis pesë qyteteve të Europës që kanë një kryetar bashkie për natën, duke garantuar aktivitete të shumta kulturore për qytetarët.

“Tirana ka nevojë të rregullojë infrastrukturën, për kopshte e çerdhe, ka nevojë të rregullojë rrugët, të mbushë gropat, të vendosë semaforët, të punojë kanalizimet, të sjellë më shumë ujë të pijshëm. Të gjitha këto janë të rëndësishme, por Tirana duhet të jetojë edhe me art e kulturë. Më vjen mirë që këtë e kemi përmirësuar, por mendova se kishte ardhur koha që siç ka bërë Amsterdami, Zyrihu, Parisi dhe më në fund Londra, të jemi qyteti i pestë në Evropë që do të kemi një kryetar bashkie për natën, që nuk është më shumë një post burokratik formal, me shkresa, por në thelb është një individ, bashkë me një ekip, i cili sigurohet që Tirana jeton 24 orë”, tha Veliaj. Kryebashkiaku theksoi se jeta e natës gjeneron të ardhura për kryeqytetin, duke u shndërruar edhe në një burim punësimi për shumë të rinj.

“Ekonomia e jetës së natës në Tiranë vlen disa miliona euro të njerëzve që shpenzojnë, që punësohen, të produkteve që konsumohen, të gjithë studentëve që punojnë si bar-man, si kamerierë, si kuzhinierë, si njerëz që asistojnë në të gjitha objektet ku frekuentohet jeta e natës. Ne duam një qytet që sjell edhe ekonomi. Një agjendë publike e Bashkisë së Tiranës është që ta gjenerojë ekonominë e jetës së natës, e cila vlen disa miliona euro dhe është një burim punësimi për shumë studentë dhe të rinj”, tha ai, duke theksuar se ambicia e Bashkisë së Tiranës është për ta kthyer kryeqytetin në një epiqendër të jetës kulturore të rajonit.

Scyuk64r5444678i.jpg

“Kemi pasur disa nga koncertet e mëdha si Xhesi Xhej, John Newman, Bebe Rexha, Dua Lipa, Giusy Ferreri, por siç e dimë, brenda kulturës së madhe të argëtimit, ka edhe disa nënkultura. Ka një jetë arti të pavarur, të artistëve të pavarur, të disa aktiviteteve që nuk janë detyrimisht komerciale, por që kanë një audiencë selektive në Tiranë. Të teatrit alternativ, të atyre që janë fokusuar te poezia, të disa artistëve që po bëjnë çudira, por që besoj e kanë nevojë fuqinë dhe muskulin që vjen nga Bashkia e Tiranës”, tha ai.

Ndërkohë që, për të promovuar këtë hapësirë si një mundësi argëtimi për të rinjtë, Bashkia e Tiranës organizoi sot në një prej ambienteve të saj edhe mbrëmje festive.

 

Sondazh

Më shumë në këtë kategori: « Komuniteti Mysliman distancohet nga mësuesja që mbështeste ISIS: Medresetë të tregohen të kujdesshme kur të përzgjedhin stafin
Aksident tragjik në Greqi, 2 shqiptarë dhe 1 grek humbin jetën, të tjerë në gjendje të rëndë »
Article Logic
Execution time: 0.013040781021118
array(1) { ["section"]=> string(64) "spektakel-dritash-ja-cfare-po-ndodh-te-piramida-foto-video-66154" }