Stadiumi i bujshëm i të gjithë shqiptarëve, KRASNIQI nxjerr paradoksin: Injorohet dija dhe shkenca, shihni pak metra larg 'Air Albania Stadium' (FOTO)

Publikuar tek: aktualitet, më 10:04 16-11-2019 Stadiumi i bujshëm i të gjithë shqiptarëve, KRASNIQI nxjerr paradoksin: Injorohet dija dhe shkenca, shihni pak metra larg 'Air Albania Stadium' (FOTO) Foto e publikuar nga Afrik Krasniqi

Politologu dhe analisti politik Afrim Krasniqi tërhoqi vëmendjen e publikut në lidhje me injorimin e investimeve në fushën e shkencës dhe dijes dhe promovimi i futbollit dhe biznesit.

Nëpërmjet një mesazhi në profilin e tij në ''Facebook'', Krasniqi iu referuar reklamimit të bujshëm të ndërtimit të stadiumit të ri ''Air Albania Stadium'' në Tiranë. Ajo ç'ka i bën përshtypje, është fakti se vetëm pak metra larg ndodhen Universiteti i Tiranës, Akademia e Studimeve Albanologjike dhe Muzeu Arkeologjik, të cilat janë lënë në mëshirën e fatit nga çdo qeveri duke mos marrë thuajse asnjë investim gjatë viteve të demokracisë.

Krasniqi kujton dhe rastin flagrant të përurimit të nisjes së punieve të Muzeut Përkujtimor të Nënë Terezës në vitin 2010, iniciativë që më pas u la në mes.

Mesazhi i Afrim Krasniqit:
Shqipëria po bëhet me stadium të ri. Stadiumi ka fushë, edhe pistë, edhe zyra, edhe restorant, edhe hotel, edhe parking, edhe impant çlodhës e argetimi, dhe shumë shërbime të tjera që nuk mund të mos kenë lidhje me futbollin. Megjithatë kjo foto ka një simbolikë tjeter.

Shikoni këto dy rrathë të vegjël, - njëri është Rektorati i Universitetit të Tiranës, universiteti më i madh në vend dhe tjetri është rektorati i Akademisë së Studimeve Albanologjike, qendra e vetme e studimeve që lidhen me arkeologjinë, historinë, letërsinë, etnografinë, etj, në Shqipëri. Aty ndodhet një prej muzeve më të mirë në vend, Muzeu Arkeologjik i krijuar më 1948. Dy godinat e dijes duken një pikë ujë në kompleksin e madh sportiv, - një tregues domethënës sesa të rëndësishme dhe sa prioritare janë shkenca dhe dija në Shqipëri! Madje dy godinave gjithnjë e më shumë u merret hapësirë e territor, sa nga qeveria, aq edhe nga bashkia.

Mesazhi është i trishtë: për dijen e shkencën nuk ka as para dhe as investime, as projekte dhe as vemendje, as strategji dhe as vizion, ama për çështje hotelesh, lokalesh, luksi, argëtimi, sidomos PPP, ka pasur e ka kohë, vemendje e çek të bardhë! Të gjithë shtetarët vijnë rregullisht të shoqeruar nga donatorët e tyre elektorale tek stadiumi-hotel-restorant, por asnjë prej tyre, nuk ka kohë për vizitë 10 metra pertej, aty ku me të mira e probleme ndodhet Tirana e librit dhe e mendjes.

Dhe për memorie në vendin pa memorie, - më 2010 me ceremoni pompoze midis dy godinave të shkencës, ku ndodhej hapësira e ish kollonave, u përurua nisja e punës për ndërtimin e Muzeut Memorial mbi Nënë Terezën! Nuk u bë kurrë, si shumë gjëra të tjera që premtohen pa menduar dhe që nuk bëjnë pjesë në planet e oligarkëve të politikës dhe ekonomisë!

foto muzeu.jpg

 

Sondazh

Article Logic
Execution time: 0.0076198577880859
array(1) { ["section"]=> string(150) "stadiumi-i-bujshem-i-te-gjithe-shqiptareve-krasniqi-nxjerr-paradoksin-injorohet-dija-dhe-shkenca-shihni-pak-metra-larg-air-albania-stadium-foto-186055" }