Strazimiri: Rama gënjeu, “Alko-Impex” me përfaqësues ligjor nipin e Sadri Abazit

Publikuar tek: aktualitet, më 13:14 23-10-2015 Strazimiri: Rama gënjeu, “Alko-Impex” me përfaqësues ligjor nipin e Sadri Abazit

Deputeti i Partisë Demokratike, Gent Strazimiri, ka thënë sot gjatë një deklarate për shtyp se kryeministri Edi Rama gënjeu gjatë intervistës në emisionin “Opinion” kur tha se “Alko-Impex” ka zyrat te një prej pallateve të deputetit socialist.

Sipas PD-së, “jo vetëm që firma i ka zyrat në të njëjtën adresë me Uslugën e Sadri Abazit, të njëjtën zyrë, por ka përfaqësues ligjor Arbër Abazin. Nipi i deputetit të Ramës”.

Deklarata e Strazimirit:

"Nuk ka mënyrë më të keqe për të mbuluar plaçkitjen e fondeve të OSHE-së, para të mbledhura me dhunë e me pranga, se sa me gënjeshtrat e kryeministrit.

E mbrojti dje Edi Rama në parlament dhe në emisionin opinion deputetin e tij Sadri Abazi, përfitues i 970 milionë lekëve, duke thënë se qenka një firmë kosovare ajo që ka marrë paratë, që thjesht i paska zyrat tek pallalet e Sadriut.

Genjen.

Alko-Impex, jo vetëm qëllon që i ka ambjentet në të njëjtën adresë me Uslugën e Sadri Abazit, të njëjtën zyrë, por ka përfaqësues ligjor Arbër Abazin. Nipi i deputetit të Ramës. Kemi këtu dhe mund ta shihni dhe në ekran dokumentin e QKR. Për më shumë mund të pyesni Taulant Ballën…

I mbrojti Edi Rama dhe firmat e tij “Ndreu” dhe “Gjici”, në parlament dhe në “Opinion”, duke thënë se paskan pasur kontrata që në vitin 2009; d.m.th që në ditën e parë të privatizimit të kompanisë; d.m.th, CEZ është plaçkitur që ditën e parë me bashkepunimin dhe përfitimin direkt te “rilindasve” dhe të Edi Ramës.

Çështja është se plaçkitja vazhdon njësoj edhe tani qe ish-CEZ është kthyer në OSHE, nën administrimin e kryeministrit, madje me të njëjtat shuma marramendese e nga të njëjtët monstra kryeministrore.

Madje, milionat po i marrin tani pa tender, pa njoftim, pra pa konkurence. Në janar dhe në prill të vitit 2015, para zgjedhjeve lokale, “gjici” mori një herë 220 milionë lekë dhe një herë 110 milionë lekë. Me një goditje, pa tender, “ndreu” mori me 16 mars të vitit 2015, 199 milionë lekë.

Për të paberat dhe plaçkitjen që CEZ në bashkëpunim të ngushtë me monstrat rilindase u bëri shqiptareve, Sali Berisha dhe qeveria demokratike zgjidhi kontraten dhe rimori në administrim kompaninë, duke filluar procedurat e dëmshpërblimit në arbitrazh.

Kryemonstra-Kryeminister, prapësoi gjithçka, pikërisht sepse plaçkitja e OSHE duhet të vazhdonte me të njëjtat ritme, nga të njëjtat monstra të pangopura për të njëjtat arsye.

“Varfërim e nënshtrim i shqiptarëve, që votën t’ua blejë me lirë”…

Kjo qeveri monstrash, armik ka gjyshen 99 vjeçare të Mirditës dhe mijëra të tjere në të gjithë vendin që varferia e padrejtesia po i çon deri në vetvrasje. Koha po mbaron! Ka ardhur dita të pastrojme këtë vend nga monstrat pa shpirt”.

unnamed_1.jpg

unnamed_2.jpg

unnamed_3.jpg

Sondazh

Më shumë në këtë kategori: « Tatimet - Priten arrestime të biznesmenëve "VIP" në fund të muajit
“Edi Rama, jepi fund agonisë për zhdukjen e tim eti” »
Article Logic
Execution time: 0.011757850646973
array(1) { ["section"]=> string(82) "strazimiri-rama-genjeu-alko-impex-me-perfaqesues-ligjor-nipin-e-sadri-abazit-23812" }