Sulm në Afganistan, 11 civilë të vrarë

Publikuar tek: bota, më 06:13 16-07-2019 Sulm në Afganistan, 11 civilë të vrarë

Së paku 11 vetë, përfshirë gra dhe fëmijë, u vranë, nga shpërthimi i bombës në anë të rrugës, në provincën Kandahar të Afganistanit.

 

Shpërthimi ndodhi në qarkun Khakrez, tha Ahmad Sadeq Essa, zëdhënës i ushtrisë në Kandahar.

Sipas tij, së paku 35 njerëz po ashtu u plagosën dhe u transferuan në një spital pranë.

Yousof Younosi, anëtar i këshillit të provincës, tha se viktimat kanë qenë anëtarë të së njëjtës familje që shkonin drejt një vendi të shenjtë.

Përgjegjësinë për sulmin nuk e mori ende asnjë grup, shkruan Rel, transmeton Newsbomb.al. 

Por, Younosi fajësoi militantët talibanë, që shpesh përdorin bombat e vëna në anë të rrugës për të sulmuar forcat afgane të sigurisë dhe të tjerë.

Sipas misionit të Kombeve të Bashkuara në Afganistan, shpërthimet e tilla kanë vrarë 53 civilë dhe kanë plagosur 269 të tjerë në tre muajt e parë të këtij viti.

Sondazh

Më shumë në këtë kategori: « Shqiptarët shpërndanë aq shumë kokainë në Londër, sa u bënë 'dru' edhe peshqit e lumit Thames
LAJM I FUNDIT/ Kandidatja për presidente e Komisionit Evropian shkëlqen me fjalimin para Parlamentit, gjermania Ursula von der Leyen flet për të rinjtë »
Article Logic
Execution time: 0.013453960418701
array(1) { ["section"]=> string(44) "sulm-ne-afganistan-11-civile-te-vrare-172334" }