OFL kërkon deklarimin e pasurisë për 3 'të fortët', mes tyre vrasësi i kryekomisarit Dritan Lamaj

Publikuar tek: aktualitet, më 13:16 27-02-2020 OFL kërkon deklarimin e pasurisë për 3 'të fortët', mes tyre vrasësi i kryekomisarit Dritan Lamaj Durim Keci dhe Arben Frroku

OFL shënjestron të fortët e rradhës që do të jenë në “sitë” për deklarimin e pasurisë.

Bëhet fjalë për 3 të dënuarit për krime të rënda Jasin Kala, Arben Frroku dhe Durim Keçi.

Arben Frroku, banues në Tiranë, është i dënuar për veprat penale "Vrasja në rrethana të tjera cilësuese" dhe Armëmbajtja pa leje”. Frroku është dënuar me burg përjetë për vrasjen e kryekomisarit Dritan Lamaj në 2013 në Tiranë. Ai i ka shpëtuar përfundimisht ekstradimit në Shqipëri ndërsa është dënuar në Holandë me 18 vite burg.

Jasin Kala, banues në Shijak, është i dënuar për veprën penale “Vrasja me paramendim”.

Durim Keci, banues në Shijak, rezulton i dënuar në Itali për veprat penale “Shkatërrim prone me pasoja të rënda”, “Krime me armë kundër personit”, “Trafikim i lëndëve narkotike” dhe “Pjesëmarrja në organizatë kriminale, me qëllim trafikimin e lëndëve narkotike dhe shfrytëzimin e prostitucionit".

3 të dënuarit si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.

Njoftimi i policisë:

Vijon Operacioni Forca e Ligjit.

Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit.

Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:

- J. K., banues në Shijak, i dënuar për veprën penale “Vrasja me paramendim”;

- A. F., banues në Tiranë, i dënuar për veprat penale "Vrasja në rrethana të tjera cilësuese" dhe Armëmbajtja pa leje”;

- D. K., banues në Shijak, i dënuar në Itali për veprat penale “Shkatërrim prone me pasoja të rënda”, “Krime me armë kundër personit”, “Trafikim i lëndëve narkotike” dhe “Pjesëmarrja në organizatë kriminale, me qëllim trafikimin e lëndëve narkotike dhe shfrytëzimin e prostitucionit";

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.

OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

Sondazh

Article Logic
Execution time: 0.0087378025054932
array(1) { ["section"]=> string(68) "te-denuar-per-vrasje-kush-jane-2-shenjestrat-e-rradhes-te-ofl-196630" }