Tentoi të kalojë pa radhë një mjet në doganën e Kakavijës, pezullohet nga detyra punonjësi i Policisë

Publikuar tek: aktualitet, më 15:05 14-08-2020 Tentoi të kalojë pa radhë një mjet në doganën e Kakavijës, pezullohet nga detyra punonjësi i Policisë

Policia e Shtetit ka pezulluar nga detyra një punonjës policie, pasi tentoi të kalonte një automjet në doganën e Kakavijës pa radhë.

Punonjësi i Policisë duke shpërdoruar detyrën, ka tentuar të kalojë jashtë radhe një automjet me targa greke, për në shtetin grek.

Kujtojmë që situata në doganën e Kakavijës paraqitet kaotike, pasi shqiptarët prej tre ditesh në vapën përvëluese duke luftuar me urinë dhe etjen, presin në radhë kilometrike për të kaluar në shtetin grek.

Njoftimi policisë:

Drejtori i Përgjithshëm i Policisë së Shtetit ka pezulluar menjëherë nga detyra punonjësin e Policisë A. Ç.

Punonjësi i Stacionit të Policisë Kufitare Kakavijë, duke shpërdoruar detyrën, ka tentuar të kalojë jashtë radhe një automjet me targa greke, për në shtetin grek.

Drejtoria e Standardeve Profesionale në Drejtorinë e Përgjithshme të Policisë së Shtetit ka nisur menjëherë hetimin disiplinor ndaj punonjësit të Policisë, për shkelje të rëndë.

Ndërkohë, për situatën e krijuar pas ndërhyrjeve të njëpasnjëshme të Drejtorit të Departamentit për Kufirin dhe Migracionin tek homologët e policisë greke, këta të fundit kanë ndikuar në autoritetet shëndetësore greke dhe tashmë ka filluar të rritet lëvizja në drejtim të shtetit grek, pasi është shtuar personeli shëndetësor që kryen testet për COVID-19.

Policia e Shtetit falënderon qytetarët për durimin, mirëkuptimin dhe bashkëpunimin dhe fton cilindo që konstaton raste të abuzimit me detyrën nga ana e punonjësve të Policisë, të raportojë në 112 apo në Komisariatin Dixhital, duke iu garantuar anonimatin dhe reagim të shpejtë e të paanshëm.

Sondazh

Article Logic
Execution time: 0.012379884719849
array(1) { ["section"]=> string(107) "tentoi-te-kaloje-pa-radhe-nje-mjet-ne-doganen-e-kakavijes-pezullohet-nga-detyra-punonjesi-i-policise-217128" }